ءبىلىمدى بالانىڭ باعى جاندى

ون ءبىر جىل ءبىلىم العان وقۋ­شىنىڭ ءبىلىمىنىڭ سارالانار ءساتى كەلدى. بۇدان ءۇش جىل بۇرىن ۇبت-دان اتىراۋداعى اعىلشىن ءتىلىن تەرەڭدەتىپ وقىتاتىن تەحنيكالىق گيمنازيانىڭ ءۇش وقۋشىسى 125 بالل العان ەدى. الايدا, بيىل اتىراۋ مەكتەپتەرىن بىتىرگەن 4633 وقۋشىنىڭ بىردە ءبىرى ءدال وسىنداي ەڭ جوعارى كورسەتكىشكە قول جەتكىزبەدى. ولاردىڭ اراسىنان 3110 وقۋشى عانا ۇبت تاپسىرۋعا نيەت ەتىپتى. بۇلاردىڭ باسىم بولىگى سىناقتى قازاقشا تاپسىرعان. قازىر مەكتەپ بىتىرۋشىلەردىڭ ءبارى دە ۇبت-دان قانشا بالل العانىن بىلەدى. اتىراۋلىق تۇلەكتەر اراسىنان تەك ج.دوسمۇحامبەتوۆ اتىنداعى ليتسەيدىڭ ءبىتىرۋشىسى جادىرا قاتتار عانا 123 بالل جينادى. ول ۇبت سۇراقتارىنا بەرگەن جاۋابىنىڭ ەكەۋىنەن قاتەلەسىپتى. وبلىس اكىمىنىڭ ورىنباسارى الىبەك ناۋتيەۆتىڭ ءمالىم ەتۋىنشە, مەكتەپ بىتىرۋشىلەردىڭ ۇبت-داعى ورتاشا كورسەتكىشى 70 پايىزدى قۇراپ وتىر. وقۋ جىلىنىڭ اياعىندا 76 تۇلەك «التىن بەلگى» الۋعا ۇمىتكەر بولعان ەكەن. الايدا, ءبارى­نىڭ بىردەي ءۇمىتى اقتالمادى. باپ تا, باق تا سىنالعان ساتتە 39 تۇلەك قانا وزدەرىنىڭ بىلىمىمەن ۇزدىكتەردىڭ ۇزدىگىنە عانا بەرىلەتىن «التىن بەلگىگە» لايىقتى ەكەنىن دالەلدەي الدى. ال «ۇزدىك اتتەستاتتى» تەك 6 تۇلەك الاتىنى بەلگىلى بولدى. باستاپقىدا اتاۋىمەن ەرەكشەلەنىپ تۇراتىن بۇل اتتەستاتتى يەلەنۋگە 18 تۇلەكتىڭ مۇمكىندىگى بولعانىمەن, سىناق قورىتىندىسىندا ولاردىڭ تەك ۇشتەن ءبىرىنىڭ عانا جولى وڭعارىلدى. – مەكتەپ بىتىرۋشىلەردىڭ 1 117-ءسى, ياعني, ۇبت تاپسىرۋشىلاردىڭ 35,9 پايىزى 50 بالل جيناي الما­دى. ەڭ جوعارى كورسەتكىش –123 بالل, ەڭ تومەنگىسى – 22 بالل, – دەپ ءما­لىم ەتتى وبلىس اكىمىنىڭ ورىنباسارى الىبەك ناۋتيەۆ. يندەر جانە ماقات اۋدان­دارى­نىڭ بىردە-ءبىر تۇلەگى «التىن بەل­گىگە» يە بولعان جوق. بىراق, وتكەن جىلعىعا قاراعاندا, ۇبت تاپ­سىرۋ كەزىندە زاڭ بۇزۋشىلىق بايقالماپتى. مۇنىڭ سەبەبىن وب­لىستىق ءبىلىم باسقارماسى باس­شى­سىنىڭ ورىنباسارى زىلي­حا ءدۇي­سەكەنوۆا تومەندەگىشە ءتۇسىن­دىرىپ بەردى: – وقۋشىلاردىڭ ۇبت-عا پسيحو­لوگيالىق بەيىمدەلۋىن قا­لىپ­تاستىرۋ, سونىمەن بىرگە, ولارعا تەست تاپسىرۋ تەحنولوگياسىن ءتۇسىندىرۋ ماقساتىندا وقۋ جىلىنىڭ باسىنان بىرنەشە رەت سىناما تەستىلەۋ جۇرگىزىلگەن. اتا-انالار مەن وقۋ­شىلارعا تەستىلەۋ ەرەجەسى تولىق ءتۇسىندىرىلىپ, اۋديتوريالارعا تىيىم سالىنعان قۇرالدارمەن كىرۋ­دىڭ ەرەجەگە ساي ەمەستىگى ەسكەر­تىلدى. وسىنىڭ ناتيجەسىندە مەك­تەپ ءبىتىرۋشى وقۋشىلار زاڭ بۇزۋشى­لىققا سوقتىراتىن ورەسكەل ارەكەت­تەرگە بارمادى. ولاردىڭ تاراپىنان زاڭ بۇزۋشىلىق بولماعاننان كەيىن بىردە ءبىرى اۋديتوريادان شىعارىلعان جوق. وقۋشىلار تەك وزدەرىنىڭ بىلىمىنە عانا سەندى. ونىڭ پىكىرىنشە, بىلتىرعىعا قاراعاندا, «التىن بەلگى» يەگەرلەرى 14-كە ارتىپ وتىر. 100 بالدان جو­عارى العاندار قاتارى 128-گە كو­بەيىپتى. بىراق, «ۇزدىك اتتەستات» الۋ­شىلار 2 وقۋشىعا كەمىگەنى باي­قالىپتى. قالاي دەگەندە دە, تەك ءبىلىمدى وقۋشىنىڭ عانا باعى جانىپ, ۇستازدارىنىڭ دا, اتا-انا­سىنىڭ سەنىمىن اقتادى. جولداسبەك شوپەعۇل, «ەگەمەن قازاقستان» اتىراۋ