سەنىم گراموتاسىن تاپسىردى

قازاقستان رەسپۋب­لي­كا­سىنىڭ توتەنشە جانە وكىلەت­تى ەلشىسى, بۇۇ-نىڭ جەنە­ۆا قالاسىنداعى ءبولىم­شەسى مەن باسقا دا حالىق­ارالىق ۇيىمدار جانىن­داعى تۇراقتى وكىلى جانار ايتجانوۆا بۇۇ-نىڭ جەنە­ۆا قالاسىنداعى بولىمشە­سىنىڭ باس ديرەكتورى مايكل ميول­لەرگە سەنىم گراموتاسىن تاپسىردى. قازاقستان ديپلوماتى بۇۇ ءبو­لىمشەسىنىڭ باسشىسىن قازاق­ستان پرەزيدەنتى نۇرسۇلتان نا­زار­باەۆتىڭ 2015 جىلعى قىر­­كۇيەكتە بۇۇ باس اسسام­بلەياسىنىڭ 70-ءشى سەسسياسى بارىسىندا جاريالاعان باستامالارىنان حاباردار ەتتى. ج.ايتجانوۆا سۇحباتتاسىمەن بۇۇ جانە قازاقستان اراسىنداعى ءوزارا ىنتىماقتاستىقتىڭ وزەكتى ماسەلەلەرىن, سونداي-اق, ءوزارا ىقپالداستىقتى ىلگەرىلەتۋدىڭ كەلەشەگىن تالقىلادى. ول ادام قۇقىقتارى, ايەل­دەردىڭ قوعامداعى ءرولىن نىعايتۋ جانە ولاردىڭ قۇقىقتارىن قورعاۋ, ەكونوميكا, قورشاعان ور­تانى قورعاۋ, «جاسىل» تەحنولوگيالاردى قولدانۋدا ءوزا­را ىقپالداسۋدى تەرەڭدەتۋ, سون­داي-اق, جاپپاي قىرىپ-جويۋ قارۋىن تاراتپاۋ سالاسىنداعى ىن­تىماقتاستىقتى كەڭەيتۋ سياقتى ماسەلەلەر بويىنشا بۇۇ-مەن بىرلەسىپ جۇمىستى جالعاستىرۋعا قازاقستاننىڭ ءازىر ەكەندىگىن اتاپ ءوتتى. ج.ايتجانوۆا دۇنيەجۇزىلىك ساۋدا ۇيىمىنىڭ (دسۇ) باس ديرەكتورى روبەرتو ازەۆەدوعا دا سەنىم گراموتاسىن تاپسىر­دى. تاپسىرۋ راسىمىنەن كەيىنگى كەز­دەسۋ بارىسىندا قازاقستان ءۇشىن ماڭىزى زور كوپجاقتى كەلىس­سوزدەر ۇدەرىستەرى شەڭبەرىندە تالقىلانىپ جاتقان ماسەلەلەردىڭ ىشىنەن حالىقارالىق ساۋدانى رەتتەۋ سالاسىنداعى جاعداي بويىنشا پىكىر الماسۋ بولدى. ر.ازەۆەدو ءوزىنىڭ جاقىندا ەلىمىزگە جاساعان ساپارى بارىسىندا قازاقستاننىڭ ساۋدا رەسىمدەرىن جەڭىلدەتۋ بويىنشا كەلىسىمنىڭ راتيفيكاتسيالانعانىن قاناعاتپەن اتاپ ءوتتى. سونىمەن قاتار, ول قازىرگى كەزگە دەيىن ينتەللەكتۋالدى مەنشىكتى قورعاۋ جونىندەگى كەلىسىمگە دسۇ-عا مۇشە ەلدەردىڭ 62 پايىزى قوسىلعانىن حابارلاي وتىرىپ, قازاقستان تاراپى اتالعان قۇجاتتى جۋىق ارادا راتيفيكاتسيالاۋ مۇمكىندىگىن قاراستىرسا دەگەن ءوتىنىشىن ءبىلدىردى. بۇعان قوسا, ر.ازەۆەدو استانادا وتەتىن ەكسپو-2017 حالىقارالىق ما­مانداندىرىلعان كورمەسىنىڭ جۇمىسىنا قاتىسۋعا قىزىعۋ­شىلىعىن جەتكىزدى. قازاقستاننىڭ تۇراقتى وكىلى ج.ايت­جانوۆا ەلىمىزدىڭ دسۇ-نىڭ جاڭا مۇشەسى رەتىندە ۇيىم­نىڭ جۇمىسىنا بەلسەندى قاتى­سۋعا دەگەن نيەتىن قۋاتتادى جانە بۇل قادامنىڭ قازاقستان رەس­پۋبليكاسىنىڭ عانا ەمەس, بارشا كوپجاقتى ساۋدا جۇيەسىنىڭ ءمۇد­دەسىنە قىزمەت ەتەتىنىن اتاپ ءوتتى.  «ەگەمەن-اقپارات»