فۋتبول. «ەۋرو-2016». ۋەلس ءۇش ۇپاي الدى

بۇگىن فۋتبولدان ەۋروپا چەمپيوناتىندا تاعى ءبىر كەزدەسۋ ءوتتى. بوردو قالاسىندا ۋەلس پەن سلوۆاكيا ەلدەرىنىڭ قۇرامالارى كەزدەستى. بۇل ەكى كوماندا قارت قۇرلىقتىڭ دوداسىندا العاش رەت جاسىل الاڭعا شىقتى. ماتچتا ۋەلس ءبىرىنشى بولىپ ەسەپ اشتى. ويىننىڭ 11 مينۋتىندا ايىپ دوبىن ورىنداعان گاررەت بەيل العاشقى گولدىڭ اۆتورى اتاندى. ودان كەيىن سلوۆاكيا ەسەپتى تەڭەستىردى. 62 مينۋتتا دۋدا 11-مەترلىك ايىپ دوبى جانىنان قاقپانىڭ وڭ جاق بۇرىشىن ءدال كوزدەدى. ۋەلستىڭ قۇرامىندا ەكىنشى گولدى 82 مينۋتتا روبسون-كانۋ سوقتى. كەزدەسۋدە سلوۆاكيا جەڭىلگەنىمەن, ونىڭ توپتان شىعۋعا مۇمكىندىگى بار. سلوۆاكتار ءالى رەسەي جانە انگليا قۇرامالارىمەن كەزدەسەدى. ال انگليا مەن رەسەي ماتچتى دا قىزىقتى بولاتىنى ءسوزسىز. بۇل كوماندالار دا كەلەسى اينالىمعا شىعۋعا دامەلى. وسى ويىننىڭ ناتيجەسىنەن كەيىن ۆ توبىنداعى قۇرامالاردىڭ مۇمكىندىكتەرىن كورۋگە بولادى. داستان كەنجالين. دەرەك, فوتو: egemen.kz ۆيدەو: vkontakte الەۋمەتتىك جەلىسى.