مارسەلدە رەسەي جانە انگليا فاناتتارى توبەلەستى

بۇگىن تۇندە فرانتسۋزدىڭ مارسەل قالاسىندا فۋتبولدان ەۋروپا چەمپيوناتىنىڭ ۆ توبىنا تۇسكەن رەسەي جانە انگليا قۇرامالارى كەزدەسەتىنى بەلگىلى. قالاعا كەشەلى بەرى كەلىپ, جينالىپ جاتقان ەكى كوماندانىڭ فاناتتارى تۇندە ءوزارا بەتپە-بەت كەزدەسىپ قالدى. ونىڭ سوڭى توبەلەسكە ۇلاستى. ونى ەسكى پورتتا فرانتسۋز وفيتسەرلەرىنە بوتەلكەلەر لاقتىرعان بريتانيا جانكۇيەرلەرى باستادى. Daily Mail گازەتى ورىس فاندارىنىڭ بۇل قالاعا اعىلشىندارمەن شايقاسۋ ءۇشىن ارنايى كەلگەندەرىن جازادى. سوندىقتان الگىندەگى ارەكەت ولار ءۇشىن ۇرىسقا باستايتىن دابىل بولعان. بىراق توبەلەس تىم ۇزاققا بارعان جوق, ولاردىڭ اراسىنا پوليتسيا كەلىپ ءتۇستى. ءتارتىپ ساقشىلارى بۇزاقىلاردى تىنىشتاندىرۋ ءۇشىن كەسپەلتەك پايدالانىپ, كوزدەن جاس اعىزاتىن گازدى قولداندى. سونىمەن بىرگە, قالا باسشىلىعى تىنىشتىقتى ساقتاۋ ماقساتىندا ەسكى پورت اۋدانىنداعى بارلىق بارلار مەن رەستورانداردى ۋاقىتشا جاپتىرىپ تاستادى. مۇرات ايتقوجا. دەرەك: Video Player.