قۇجات پالاتانىڭ قاراۋىنا جىبەرىلدى

پارلامەنت سەناتىنىڭ قارجى جانە بيۋدجەت كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن ساۋد ارابياسى كورولدىگىنىڭ ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وعان حاتتامانى راتيفيكاتسيالاۋ تۋرالى» زاڭ جوباسى قارالدى. 2011 جىلعى 7 ماۋسىمدا استانا­­دا قول قويىلعان كونۆەنتسيا ين­ۆەس­تيتسيالار سالۋ ءۇشىن قولايلى جاع­دايلار جاساۋ ارقىلى ەكىجاقتى ەكو­نو­­ميكالىق ىنتىماقتاستىقتى نى­عاي­­تۋعا جانە كەڭەيتۋگە باعىت­تالعان. كونۆەنتسياعا سايكەس, ۋاعدا­لاسۋ­شى مەملەكەتتەردىڭ ارقاي­سىسى سالىق تولەۋشىگە ءبىر رەت – ۋاع­دالاسۋشى مەملەكەتتەردىڭ بىرىندە عانا سالىق تولەۋ مۇمكىندىگىن قامتاماسىز ەتەدى. ەكىنشى مەملەكەت وعان تولەنگەن سالىق سوماسىن ەسەپكە الۋدى ۇسىنادى نەمەسە سالىق سالىناتىن جيىنتىق تابىستان ەكىنشى مەملەكەتتە سالىق سالۋ جۇرگىزىلگەن سول بولىگىن الىپ تاستايدى. سونداي-اق, قۇجاتتا ديۆيدەندتەرگە, بورىشتىق تالاپتاردان الىناتىن تابىستارعا جانە رويالتيگە تومەندەتىلگەن مولشەرلەمەلەر بويىنشا تابىس كوزى پايدا بولاتىن مەملەكەتتە سالىق سالىنۋى مۇمكىن بولاتىن ەرەجەلەر كوزدەلگەن. زاڭ جوباسى پالاتانىڭ قاراۋىنا جىبەرىلدى, دەپ حابارلادى سەناتتىڭ ءباسپاسوز قىزمەتى.