«دەنساۋلىق» پويىزى ساپارعا اتتاندى

كەشە الماتى-2 ستانساسىنان «دەن­ساۋ­لىق» ارنايى مامانداندىرىلعان مە­دي­تسينالىق پويىزى ساپارعا اتتاندى. پويىز 11 تامىزعا دەيىن وڭتۇستىك ءوڭىر­لەردى قامتيدى. «دوڭعالاقتى» ەمحانا­نىڭ» قىزمەتىنە شالعاي ستانسالار مەن جول ايى­رىقتارىنىڭ تۇرعىندارى مەن تەمىر­جول­شىلارى جۇگىنەدى. مامىردىڭ ورتاسىنان بەرى سولتۇستىك وڭىرلەردى مەديتسينالىق قىزمەت تۇرىمەن قامتۋعا «سالاماتتى قازاقستان» كەڭەس بەرۋ جانە دياگنوستيكالىق قىزمەت پويىزى الىس ەلدى مەكەندەردىڭ تۇرعىندارىنا كومەك كورسەتۋدە. باتىس ءوڭىردىڭ تۇرعىندارىنا «جاردەم» مەديتسينالىق پويىزىنىڭ دارىگەرلەر بريگاداسى قىزمەت كورسەتۋدە. «شوققاراعاي ستانساسىندا تۇرامىن. 26 جىل جول مونتەرى بولىپ ەڭبەك ەتتىم. قازىر قۇرمەتتى ەڭبەك دەمالىسىندامىن. مامانداردىڭ دارىگەرلىك تەكسەرۋىنەن ءوتتىم. وسىنداي پويىزدى ۇيىمداستىرعان­دارعا العىسىم شەكسىز», دەيدى  ۆالەنتينا ماكسيموۆيچ. ارنايى مەديتسينالىق پويىز سوڭعى ۇلگىدەگى دياگنوستيكالىق جانە ەمدەۋ قۇرىلعىلارىمەن, ميني-وتاشىلىق, زەرتحانالىق, تەلەكوممۋ­نيكاتسيالىق قوندىرعىلارمەن جابدىقتالعان. «سالاماتتى قازاقستان» مەن  «جاردەم» مەديتسينالىق پويىزدارى 40 ستانسادا بولىپ, شالعاي وڭىردەگى 39 مىڭ تۇرعىنعا قولۇشىن سوزدى. ماماندار 13 مىڭ مەديتسينالىق جانە زەرتحانالىق ساراپتاۋلار مەن 1638 شاعىن وتاشىلىق وپەراتسيالار جاسادى. 1784 ادامنىڭ ءتىسىن ەمدەدى, دەپ حابارلادى «قازاقستان تەمىر جولى» ۇك» اق ءباسپاسوز قىزمەتى.