كاسىپورىننىڭ باس ديرەكتورى عالىمجان ابدىحالىقوۆتىڭ ايتۋىنشا, شارۋاشىلىقتا 680 باس ساۋىن سيىر جانە جىلقى مەن تۇيە تۇلەگى بار. كەشەننىڭ جوبالىق قۋاتى 800 ءىرى قاراعا ارنالعاندىعىن ەسكەرسەك, «استانا-ءونىمنىڭ» الداعى دامۋ قارقىنىن باعامداي بەرۋگە بولادى. قازىر مۇندا اسىل تۇقىمدى ءار سيىردان جىلىنا 6000 ليترگە دەيىن ءسۇت ساۋىلۋدا. بۇل كەشەننىڭ استانالىق نارىققا ءسۇت, ايران, قايماق, قۇرت, ىرىمشىك, قىمىز, شۇبات سياقتى ونىمدەردىڭ 23 ءتۇرىن شىعارۋىنا مۇمكىندىك بەرۋدە. – قازىرگى تاڭدا ءبىز انالىق مال باسىن كوبەيتۋگە مۇددەلىمىز, – دەيدى باس ديرەكتور. – ءوز مەنشىگىمىزدەگى بورداقىلاۋ الاڭىن جابدىقتاۋ ماسەلەسى دە كۇن تارتىبىنەن تۇسپەي تۇر. بىراق, مالازىعىنا ارنالعان ەكپە جەردىڭ, جايىلىمدىق القاپتىڭ جەتىسپەۋشىلىگى قولىمىزدى بايلاۋدا.
باقبەرگەن امالبەك,
«ەگەمەن قازاقستان»
اقمولا وبلىسى, تسەلينوگراد اۋدانى
