جاڭا ءداۋىردىڭ ەستايى

الماتىدا ونەردىڭ قاي تۇرىنەن دە قۇرالاقان قالماعان ءانشى, كومپوزيتور, اقىن ەستاي الىكەەۆتىڭ «شەر» اتتى جىر جيناعىنىڭ تۇساۋكەسەرى ءوتتى. جىراۋلىعىمەن دە تانىلعان الىكەەۆتىڭ بۇعان دەيىن «تاعدىرىم مەنى, كەشىرشى», «اناما», «جۇرە­گىم – سازدى ساندىعىم», «ەس­تاي الىكەەۆتىڭ اندەرى», «ءان-جۇرە­گىمدە», «ازىرگە ايتارىم» سياقتى جيناقتارى جارىق كورگەن. 100-دەن استام ليريكالىق جانە پاتريوتتىق اندەردىڭ اۆتورى. ە.الىكەەۆتىڭ اندەرىن بۇل كۇندە روزا رىمباەۆا, ماقپال ءجۇنىسوۆا, تۇڭعىشباي جامانقۇلوۆ, ديلناز احماديەۆا, «كاسپي» توبى, «نۇر-مۇقاسان» توبى, جۇبانىش جەك­سەن ۇلى, ەسەت سادۋاقاسوۆ, دينارا قىرىقباەۆا, ايگەرىم قالاۋباەۆا, ومىرقۇل اينيازوۆ, دينا حامزينا, قايىرجان بەردىباەۆ سىندى ءان­شىلەر ورىنداپ ءجۇر. بالالارعا ارنالعان ولەڭدەرى ءبىر توبە. وسىلايشا, جاڭا جىر جينا­عىن ولەڭسۇيەر قاۋىممەن قاۋىش­تىرعان جان-جاقتى تالانت يەسىنىڭ كىتاپ-تۇساۋكەسەرى تاماشا ءوربىدى. «شەر» جىر جيناعى قالاي جازىل­عانى دا قىزىقتى باياندالدى. شى­عار­ماشىلىق كەزدەسۋدە اقىن­نىڭ ءورشىل ولەڭدەرى وقىلىپ, جي­نالعاندار جاقسى اسەرمەن تارادى. «جاڭا زاماننىڭ ەستايى» اتانعان ە.الىكەەۆ ىزدەنىمپاز تالانت رەتىندە تىڭدارماندار سۇيىسپەنشىلىگىنە بولەنىپ ءجۇر. «جاسا, ماڭگى قازاعىم», «جاقسى-جامان», «تالدىقورعان», «اق تىلەك», «سەمەيىم», «مىنا ءدۇ­نيە», «وكىنبە», «سەن عانا», «ابى­لاي­حان» اندەرىنە بەينەبايان تۇسىرىلگەن. ايناش ەسالي, «ەگەمەن قازاقستان» الماتى