رامازان ايىنا ارنالعان سىيلىق

قاسيەتتى رامازان ايىندا جاساعان ءاربىر قايىرلى ءىستىڭ ساۋابى جاراتقاننىڭ قۇزى­رەتىندە وننان جەتى ءجۇز ەسەگە دەيىن كوبەيتىلەدى, دەيدى. ساۋاپتى ىستەن قۇر قالعىسى كەل­مەگەن ۇلىبريتانياداعى ءىرى سۋپەرماركەتتەر جەلىسى ءوز تۇتىنۋشىلارىنا جەڭىلدىكتەر جاساپ, مەشىتتەرگە كومەك كور­سەتىپ جاتىر. ناقتىراق ايتقاندا, لوندون, مانچەستەر, برەدفورد جانە بير­مينگەم قالالارىندا ورنالاسقان جيىرماعا جۋىق مەشىتكە ەرەكشە سىيلىق جاسالدى. Tesco كومپانياسى قايىرىمدىلىق شارالارىنا ارناپ جالپى سوماسى 30 مىڭ دوللاردى قۇرايتىن ازىق-ت ۇلىك قورىن قۇلشىلىق ۇيلەرىنە تاراتىپ بەرگەن. – رامازان ايى – بارشا مۇسىلمان قاۋىمى ءۇشىن قاسيەتتى اي. ال ءبىزدىڭ تۇتىنۋشىلارىمىز بەن دوستارىمىزدىڭ كوپشىلىگى يسلام ءدىنىن ۇستانادى. وسىعان بايلانىستى بۇل ايدا ازىق-ت ۇلىك پەن دايىن تاعامداردىڭ باعا­سىن 300 سۋپەرماركەتىمىزدە تومەن باعامەن ساتىپ وتىرمىز. سونىمەن قاتار, تەك جەڭىل­­دىكتەرمەن شەكتەلمەي, مەشىت­تەرگە دە كومەكتەسۋدى ۇيعار­دىق, – دەيدى كومپانيا مەنەدجەرى مەتت كلار. ايتا كەتەيىك, بيىل ورازا ايى 29 كۇنگە ۇلاسىپ, 5 شىلدە كۇنى ورازا ايتىمەن ۇلاسادى. ايان ءابدۋالي, «ەگەمەن قازاقستان»