ەت ىشىندە... ءدارى بار

«قاۋىپتى ەت ءونىم­دەرىن ءوندىرۋشى  شىعىس­قازاقستاندىق جەكە كا­سىپكەر ادىلبەك ە. ەتتى «اقجول» دۇكە­نى­نە جەت­كىزگەن, ءوڭتۇس­تىك­قا­زاق­ستان­دىق جەكە كاسىپكەر عازيباەۆ ن. ەتتى «رەاليست» سۋپەر­مار­كەتىنە جەتكىز­گەن, ا­لماتىلىق «كروم ەكسپو-ا» جشس قۇرا­­مىن­دا ءدارى­لىك قوسپالارى بار كانادا ەتىن «اقجول» دۇكەنىنە جەتكىزگەندىگى انىق­تالدى. قاۋىپتى ەت بۇكىل ساۋدا جەلىسىنەن الىنىپ تاستالدى جانە تولىقتاي جويىلدى. قازىر ءوندىرۋ جانە ساقتاۋ ورىندارىندا جوسپاردان تىس تەكسەرۋ جۇمىستارى جۇرگىزىلۋدە» دەلىنگەن  تۇتىنۋشىلاردىڭ قۇ­قىقتارىن قورعاۋ كومي­تەتىنىڭ حابارلاماسىندا. اۋىل شارۋاشى­لى­عىندا مالدىڭ ءتۇرلى اۋرۋلارىن ەمدەۋ ءۇشىن قولدانىلاتىن تەتراتسيكلين ءدارىسى – انتيبيوتيكتەر توبىنا كىرەتىن دارىلىك زات. قۇرامىندا تەتراتسيكلين قالدىقتارى بار ونىمدەردى تۇتىنۋ ادامنىڭ ىشەك ميكروفلوراسىنا كەرى اسەرىن تيگىزىپ, زەڭ اۋرۋلارىنا شالدىعۋ, اللەرگيالىق رەاكتسيانىڭ پايدا بولۋى, اعزانىڭ اۋرۋلارعا قارسىلاسۋىن تومەندەتۋ, پاتو­گەندىك ميكروورگانيزمدەردىڭ جوعارىلاۋى سەكىلدى قاۋىپ-قاتەر تاۋەكەلىن ارتتىرادى. اتالمىش پرەپاراتتىڭ اسەرلىلىگىنە سەزىم­تالدىقتى تومەندەتىپ, الداعى ۋاقىت­تا مۇنىمەن ەمدەۋ ناۋقاس جان ءۇشىن مۇلدەم ءتيىمسىز بولىپ قالۋى مۇمكىن دەپ تۇسىندىرۋدە مامان­دار. قانات ەسكەندىر, «ەگەمەن قازاقستان» الماتى