ءبىر مينۋت ۇنسىزدىك جاريالاندى

كەشەگى كۇن قازاقستاندا اقتوبە قالاسىندا بولعان تەررور­لىق اكتىنىڭ سالدارىنان قۇربان بول­عاندارعا ارناپ ۇلتتىق قارالى كۇن بولىپ جاريالاندى. ەلباسى – قازاقستان رەسپۋبليكاسى قا­رۋ­لى كۇشتەرىنىڭ جوعارعى باس قول­باس­شىسى نۇرسۇلتان نازارباەۆ اقتوبەدەگى لاڭكەستىكتەن قازا بول­عاندار ءۇشىن ۇلتتىق قارالى كۇن جا­ريالادى. كەشە تاڭسارىدەن قورعانىس مي­نيسترلىگى ورتالىق اپپاراتىنىڭ عيماراتىندا كوك تۋ تومەن ءتۇسى­رىلدى. قورعانىس ءمينيسترى يمان­عالي تاسماعامبەتوۆ باستاعان ەلى­مىز قارۋلى كۇشتەرىندەگى اسكەري قىزمەتشىلەردىڭ جۇمىس كۇنى بەيبىت ادامداردىڭ, ۇلتتىق ۇلان مەن ۇلت­تىق قاۋىپسىزدىك كوميتەتىنەن قازا بولعان قىزمەتكەرلەردىڭ قۇر­مەتىنە ءبىر مينۋت ءۇنسىز تۇرۋمەن باس­تالدى. ودان باسقا, قورعانىس مينيستر­لىگىنىڭ بارلىق بولىمشەلەرى مەن قازاقستان رەسپۋبليكاسى قارۋلى كۇشتەرىنىڭ اسكەري بولىمدەرىندە مەرت بولعانداردىڭ قۇرمەتىنە ءبىر مينۋت ۇنسىزدىك جاريالاندى. سونداي-اق, قورعانىس ءمينيسترى يمانعالي تاسماعامبەتوۆ قازا بولعانداردىڭ وتباسىلارىنىڭ قايعىلارىنا ورتاقتاسىپ, كوڭىل ايتۋ جەدەلحاتتارىن جولدادى. «ەگەمەن-اقپارات»