تەراكتىدەن قازا تاپقانداردىڭ وتباسىنا 5 ملن. تەڭگەدەن بەرىلەدى

اقتوبە وبلىسىنىڭ اكىمى بەردىبەك ساپارباەۆ تەررورلىق اكتى كەزىندە قازا تاپقان ازاماتتاردىڭ وتباسىلارىنا بەرىلەتىن ماتەريالدىق كومەكتىڭ كولەمىن ارتتىرۋ جونىندە شەشىم قابىلدادى. ولارعا 5 ميلليون تەڭگەدەن بەرىلەتىن بولادى. قازاقستان پرەزيدەنتى نۇرسۇلتان نازارباەۆتىڭ تاپسىرماسىنا سايكەس, 5 ماۋسىم كۇنى اقتوبەدەگى تەررورلىق اكت كەزىندە لاڭكەستەر قولىنان قازا تاپقاندار مەن زارداپ شەككەندەرگە ايماق باسشىسى بەردىبەك ساپارباەۆ 5 ملن. تەڭگەدەن اقشا بەرۋ جونىندە شەشىم قابىلدادى. ايتا كەتەيىك, تەراكت سالدارىنان 7 اسكەري قىزمەتكەر مەن ازاماتتىق تۇلعالار قازا تاپقان بولاتىن. وسىعان وراي مەملەكەت باسشىسى 9 ماۋسىم قازاقستاندا جالپىۇلتتىق ازا تۇتۋ كۇنى دەپ جاريالادى. بۇگىن رەسپۋبليكا كولەمىندە تۋلار تومەن ءتۇسىرىلىپ, مادەني-كوپشىلىك جانە سپورتتىق شارالار كەيىنگە شەگەرىلەدى. سونىمەن قاتار, تەلەارنالار مەن راديولاردا بەرىلەتىن ويىن-ساۋىق باعدارلامالارى توقتاتىلادى. تالعات رايىمبەك. دەرەك: اقتوبە وبلىسى اكىمدىگىنىڭ ءباسپاسوز قىزمەتى. فوتو: kapital.kz.