ەسەپشىلەر «ەسەسىن» جىبەرمەپتى

قىزىلوردا وبلىسى, قارماقشى اۋداندىق پروكۋراتۋراسى ءبىلىم بولىمىندە زاڭدىلىقتىڭ ساقتالۋىنا تەكسەرۋ جۇرگىزىپ, ءبىراز بىلىقتىڭ بەتىن اشتى. تەكسەرۋ بارىسىندا مەكەمە جانىنداعى ورتالىقتاندىرىلعان ەسەپ ءبولىمى ەسەپشىلەرىنىڭ سىباي­لاس جەمقورلىق سيپاتىنداعى قىلمىسقا قادام باسىپ, مەملەكەتكە ءىرى مولشەردە زالال كەلتىرگەنى انىقتالدى. اتاپ ايتقاندا, ا.بو­ران­باەۆا, گ.كىشەنوۆا جانە گ.سارىمساقوۆا سىندى ەسەپ قىز­مەتكەرلەرى اۋداندىق ءبىلىم بولىمىنە قاراستى مەكتەپتەرگە مۇلدەم جۇمىس ىستەمەيتىن «ءولى جانداردى» تىركەپ قويىپ, اي سايىن سولارعا «تيەسىلى» ايلىق جالاقىنى وزدەرى ءبولىسىپ الىپ كەلگەن. وسىنىڭ ناتيجەسىندە ولار مەملەكەتتىڭ 8 373 826 تەڭگە اقشاسىن قالتالارىنا زاڭسىز باسقان. اتالعان دەرەك قىلمىستىق كودەكستىڭ 189-بابى, 3-بولىگىنىڭ 1-تارماعى بويىنشا باقىلاۋعا الىنىپ, اۋداندىق پروكۋراتۋرانىڭ سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. ءىستى قاراعان اۋداندىق سوتتىڭ ۇكىمىمەن ا.بورانباەۆا, گ.كىشەنوۆا جانە گ.سارىمساقوۆا قىزمەت بابىن اسىرا پايدالانا وتىرىپ, مەملەكەت مۇلكىن قولدى ەتكەن كىنالى دەپ تانىلدى. وسىعان وراي ولاردىڭ ءاربىرىنىڭ م ۇلىكتەرى تاركىلەنىپ, 5 جىل تۇرمەدە وتىرۋ جازاسىنا كەسىلدى. الايدا, كودەكستىڭ 63-بابىنىڭ 1-بولىگى قولدانىلىپ, ولاردى باس بوستاندىعىنان ايىرۋ جازاسى شارتتى مەرزىمگە اۋىس­تىرىلىپ, 5 جىل سىناق مەرزىمى بەلگىلەندى. «ەسەپشىنى «ەسەپشى» دەي بەرسەڭ, ەسىرىپ كەتەدى» دەگەندى وسىندايدا ايتقان ەكەن-اۋ جۇرت... مۇرات ايتقوجا