كولىك پوليتسەيلەرى

40 كيلودان استام بەكىرە تۇقىمداس بالىق پەن 10 كيلو قارا ۋىلدىرىق تاركىلەدى «بەكىرە-2016» جەدەل-پروفي­لاكتيكالىق ءىس-شاراسى بارىسىندا اتىراۋ, اقتاۋ, ورال ستان­ساسىنداعى ىشكى ىستەر جەلىلىك بولىمدەرى قىزمەتكەرلەرى قۇقىق بۇزۋشىلىقتىڭ 9 فاكتىسىن انىقتادى. اتاپ ايتساق, بالىق پەن بالىق ونىمدەرىن زاڭسىز اۋلاۋعا قاتىستى 7 فاكت, ياعني 42 كەلى 400 گر. بەكىرە تۇقىمداس بالىق پەن 10 كەلى 500 گر. قارا ۋىلدىرىق ءتار­كىلەنىپ الىندى, سونىمەن قاتار, كيىك مۇيىزدەرىن زاڭسىز تاسىمالداۋعا قاتىستى 2 فاكت انىقتالىپ, 460 دانا كيىك ءمۇيىزى تاركىلەندى. جوعارىدا اتالعان فاكتىلەر بويىنشا قر قك-ءنىڭ 339-بابىنا سايكەس قىلمىستىق ىستەر قوزعالدى. ەسكە سالا كەتەيىك, اعىمداعى جىلعى 1 ءساۋىر مەن 31 مامىر ارالىعىندا بالىق پەن بالىق ونىمدەرىن زاڭسىز اۋلاۋدى جانە اينالىمىن انىقتاۋعا, الدىن الۋعا جانە جولىن كەسۋگە, زاڭ­سىز شىعارۋ, تاسىمالداۋ, ساتىپ الۋ, ساتۋ جانە وتكىزۋ فاك­تىلەرىن انىقتاۋ جانە بولدىرماۋ ماقساتىندا ورال-كاسپي باسسەينى اۋماعىندا «بەكىرە-2016» ءجپىش وتكىزىلدى, دەپ حابارلادى كولىكتەگى ءىىد-ءنىڭ ءباسپاسوز قىزمەتى.