پيراميدالاردى دا جارامىز دەيدى
«يسلام مەملەكەتى» (قازاقستاندا تىيىم سالىنعان) دەلىنەتىن باسكەسەر توپتىڭ مۇشەلەرى مىسىر پيراميدالارىن جارامىز دەپ قوقان-لوقى جاساپ وتىر. بۇل تۋرالى اتالعان توپ تاراتقان بەينەجازبادا حابارلانادى.
بەينەجازبادا ساۋلەت ونەرىنىڭ تاڭعاجايىپ ەسكەرتكىشتەرىن جويۋعا ۋادە بەرگەن جيحادشىلار كورسەتىلەدى. ولار وسىعان دەيىن يراكتىڭ نيمرۋد قالاسىنداعى نابۋ حرامىن جارعاندارىن مالىمدەپ, ونىڭ بەينەجازباسىن جاريالاعان ەدى. توپ باسكەسەرلەرىنىڭ پىكىرلەرىنشە, ەجەلگى ەسكەرتكىشتەردى قيراتۋ كەرەك, ويتكەنى ولاردى كاپىرلەر تۇرعىزعان. تەررورشىلار ۇستىمىزدەگى جىلدىڭ تامىز ايىندا سيريانىڭ پالميرا قالاسىندا ەكى كونە حرامدى جارىپ جىبەرگەن-ءتىن.
ناتو وقۋ-جاتتىعۋىنداعى قۇرباندىق
پولشادا ناتو-نىڭ ادام ايتقىسىز كەڭ اۋقىمدى وقۋ-جاتتىعۋلارى ءجۇرىپ جاتىر. وعان اليانسقا مۇشە 24 ەلدەن 30 مىڭنان استام اسكەري قاتىسۋدا. تۇتاستاي العاندا, مانەۆرلارعا ءۇش مىڭ شامالاس اسكەري تەحنيكا, 100-دەن استام تىكۇشاق پەن ۇشاق جانە 12 كورابل تارتىلعان.
ءبىر وكىنىشتىسى, تۇندە «اناكوندا-2016» دەپ اتالاتىن وقۋ-جاتتىعۋدان قايتىپ كەلە جاتقان امەريكالىق جانار-جاعارماي قۇيۋشى كولىك تومەنگى سيلەزياداعى ا18 اۆتوستراداسىندا جەڭىل كولىكپەن سوقتىعىسقان. پوليتسيانىڭ مالىمەتتەرىنە قاراعاندا, جول-كولىك وقيعاسى سالدارىنان ءبىر پولياك قازا تاپسا, ەكىنشىسى اۋىر دەنە جاراقاتىن العان. جانارماي قۇيۋشى كولىكتىڭ جۇرگىزۋشىسى زارداپ شەكپەگەن. وقىس وقيعا سالدارىنان اتالعان تراسسا بىرنەشە ساعاتقا تولىقتاي جابىلىپتى. تەكسەرۋ جۇرگىزىلۋدە.
قىتاي جويعىش ۇشاعىنىڭ «ولجاسى»
قىتاي جويعىش ۇشاعى شىعىس-قىتاي تەڭىزىنىڭ اۋە كەڭىستىگىندە امەريكالىق بارلاۋشى ۇشاقتى «ۇستاپ العان». بۇل تۋرالى پەنتاگونداعى شەنەۋنىككە سىلتەمە جاساي وتىرىپ, «رەيتەر» اگەنتتىگى حابارلادى.
وقىس وقيعاعا قاتىسۋشىلار – قىتايدىڭ J-10 جانە اقش-تىڭ RC-135 ۇشاقتارى. دەرەك كوزىنە قاراعاندا, قىتاي ۇشاعى اسا جوعارى جىلدامدىقتا ۇشقان, سوندىقتان سوقتىعىسىپ قالۋ قاۋپى جوعارى بولعان. بۇعان دەيىن اقش-تىڭ مەملەكەتتىك حاتشىسى دجون كەرري قىتايدى «ارانداتۋشىلىق ءىس-قيمىل تانىتىلاتىن بىرجاقتى شەشىم قابىلداماۋعا» شاقىرعان بولاتىن. اق ءۇي وكىلى بۇل جەردە بەيجىڭنىڭ وڭتۇستىك-قىتاي تەڭىزىندە اۋە شابۋىلىنان قورعانىس جۇيەسىن قۇرۋعا ۇمتىلىسىن مەڭزەپ وتىر.
قىسقا قايىرعاندا:
- تۇركيا پرەزيدەنتى رەدجەپ تايىپ ەردوعان بۇرناعى كۇنى دەپۋتاتتارعا تيىسپەۋشىلىكتىڭ كۇشىن جوياتىن زاڭ جوباسىنا قول قويدى. پرەزيدەنت مۇنداي قادامعا ەل پارلامەنتىندە كولەمى جونىنەن ءۇشىنشى فراكتسيا بولىپ تابىلاتىن كۇردتەر جاعىنداعى حالىقتار دەموكراتياسى پارتياسىنا قاتىستى بارىپ وتىرعان سىڭايلى.
- بۋرۋنديدە ەل پرەزيدەنتى پەر نكۋرۋنزيزانىڭ فوتوسۋرەتىن سىزعىلادى دەگەن كۇدىكپەن ورتا مەكتەپتىڭ 11 وقۋشىسى قاماۋعا الىنعان. 14 پەن 19 جاس ارالىعىنداعى جاسوسپىرىمدەر مەن بوزبالالارعا مەملەكەت باسشىنىڭ ار-نامىسىن اياققا تاپتادى جانە كۇلكىگە اينالدىردى دەگەن ايىپ تاعىلىپ وتىر.
- ۇستىمىزدەگى جىلدىڭ العاشقى بەس ايىندا انتالياعا شامامەن 21 مىڭ عانا رەسەيلىك تۋريست بارىپتى. بۇل – وتكەن جىلدىڭ وسى كەزەڭىمەن سالىستىرعاندا 96 پايىزعا از كورسەتكىش. انتالياعا ازدى-كوپتى باراتىندار قاتارىندا, سونداي-اق, نيدەرلاندتىقتار مەن بريتاندىقتار بار ەكەن.
- كەشە رەسەيدە جول قوزعالىسى ەرەجەسىنە قاتىستى تۇزەتۋلەر كۇشىنە ەندى. وندا «قاۋىپتى جۇرگىزۋ» دەپ اتالاتىن جول ەرەجەسىن بۇزۋشىلىقتىڭ جاڭا ءتۇرى قاراستىرىلادى. ونىڭ سيپاتىنا اسا قىسقا مەرزىمدە كوپتەگەن ۇساق, بىراق باسقا كولىكتەر ءۇشىن قاۋىپ تۋعىزاتىن جول ەرەجەسىن بۇزۋلار جاتقىزىلادى.
پرەزيدەنتتىككە تالاساتىندار بەلگىلى
«سۋپەرسەيسەنبىنىڭ» قورىتىندىلارى بويىنشا, اقش-تاعى الدىن الا سايلاۋدا پرەزيدەنتتىكتەن ناقتى ەكى ۇمىتكەر – رەسپۋبليكاشىل دونالد ترامپ پەن دەموكرات, بۇرىنعى مەملەكەتتىك حاتشى حيللاري كلينتون ايقىن جەڭىسكە جەتتى.
ۇمىتكەرلەردىڭ پرايمەريزدەرى 7 ماۋسىمدا نيۋ-دجەرسي, نيۋ-مەكسيكو, وڭتۇستىك داكوتا, مونتانا شتاتتارىندا جانە حالقى ەڭ كوپ كاليفورنيا شتاتىندا, سونداي-اق, تەك دەموكراتتار عانا ءۇشىن سولتۇستىك داكوتادا بولىپ وتكەن ەدى. رەسپۋبليكاشىلاردىڭ پرايمەريزىندە بارلىق شتاتتاردا جالعىز ۇمىتكەر ترامپ جەڭىسكە جەتتى. ال دەموكرات كلينتون التى شتاتتىڭ تورتەۋىندە باسىم ءتۇستى. ونىڭ باسەكەلەسى, ۆەرمونت شتاتىنان سەناتور بەرني ساندەرس مونتانا مەن سولتۇستىك داكوتادا كوپ داۋىس الدى. ءسويتىپ, اقتىق باسەكەگە كىمدەردىڭ شىعاتىنى تولىقتاي انىقتالدى.
بىرەۋلەر تويىپ سەكىرەدى...
شۆەيتساريادا ەل حالقىنىڭ 75 پايىزى اي سايىنعى 2,5 مىڭ ەۋرو كولەمىندەگى تەگىن تابىستان باس تارتقان. بۇل وسى ماسەلەگە بايلانىستى جۇرگىزىلگەن رەفەرەندۋم بارىسىندا بەلگىلى بولىپ وتىر.
وسىلايشا بۇل جايت بۇكىل الەمدە قوعامدىق پىكىر تۋعىزدى. شۆەيتساريا بيلىگى ەل حالقىنا كەپىلدى تۇردە مەملەكەتتىك تابىس – 2,5 مىڭ ەۋرو الۋدى نە الماۋدى وزدەرى شەشۋگە ۇسىنىس جاساعان ەدى. ءسويتىپ, 2 ميلليونعا جۋىق ادام, ياعني ەل حالقىنىڭ 76,9 پايىزى وسىنداي مول اقشادان ءوز ەرىكتەرىمەن باس تارتقان. اي سايىنعى تەگىن اقشانى قالتاسىنا باسقىسى كەلگەندەر 23 پايىزدى قۇراسا, بۇل – 568 مىڭ ادام دەگەن ءسوز. جالپى, شۆەيتساريا الەمدەگى ەڭ باي ەلدەردىڭ ءبىرى سانالادى, بىراق, ەلىنىڭ حالقى دا سونشالىقتى كوپ ەمەس. ءسوز رەتىندە, مۇنداي باستاما فينليانديا مەن كانادادا جانە اۆستراليادا تالقىلانىپ جاتقانىن ايتا كەتەيىك.
جاڭا اۋە كەمەسىنىڭ تۇساۋكەسەرى
«يركۋت» كورپوراتسياسى يركۋتسك قالاسىندا سۋ جاڭا رەسەيلىك جولاۋشىلار ۇشاعىنىڭ تۇساۋكەسەرىن وتكىزدى. ۇشاق مس-21-300 دەپ اتالادى. بۇل تۋرالى اۆياتسيالىق بلوگەر ارتەم كاشيرين اقپارات تاراتتى. لاينەر كەڭەستىك اۆياكونسترۋكتور الەكساندر سەرگەەۆيچ ياكوۆلەۆتىڭ اتىن الىپ وتىر.
2023 جىلعا قاراي «يركۋت» جىل سايىن 70 مس-21 ۇشاعىن شىعارۋدى جوسپارلاپتى. ال العاشقى 4 ماشينا 2018 جىلعا قاراي قۇراستىرىلاتىن بولادى. جاقىن جانە ورتاشا قاشىقتىقتارعا ۇشاتىن مس-21 جولاۋشىلار ۇشاعى ەسكىرگەن تۋ-154 ۇلگىسىندەگى ۇشاقتاردى الماستىرادى. ماشينا «بوينگ-737» جانە ا-320 اەروبۋستارى ارقالاپ جۇرگەن كوممەرتسيالىق جۇككە ۇمتىلىس تانىتىپ وتىر, ياعني وسى ۇشاقتارعا باسەكەلەس بولماق نيەتتە. اۋە كەمەسى بورتىنا 210 جولاۋشىعا دەيىن الا الادى. ەڭ ۇشۋ ۇزاقتىعى 5 مىڭ شاقىرىمدى قۇرايدى.
ينتەرنەت ماتەريالدارى نەگىزىندە ازىرلەندى
