مازمۇنعا يە كەزدەسۋ

استانادا شىۇ-عا مۇشە مەملەكەتتەر قورعانىس مينيسترلەرى كەڭەسىنىڭ وتكىزىلۋى شەڭبەرىندە قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ پەن رەسەي فەدەراتسياسى قورعانىس ۆەدومستۆوسىنىڭ باسشىسى ارميا گەنەرالى سەرگەي شويگۋدىڭ كەزدەسۋى ءوتتى. «ءبىزدىڭ كەزدەسۋلەرىمىز ءجيى ءوت­كىزىلەتىن مازمۇنعا يە بولىپ وتىر. بۇل قازاقستان مەن رەسەي سياقتى ستراتەگيالىق سەرىكتەستەر ءۇشىن قاجەتتىلىك بولىپ تابىلادى. مۇمكىندىكتى پايدالانا وتىرىپ, سيرياداعى اسكەري وپەراتسيانىڭ ءساتتى وتۋىمەن شىن جۇرەكتەن قۇت­تىق­­تاعىم كەلەدى», دەدى ي.تاس­ماعامبەتوۆ. «حالىقارالىق لاڭكەستىكپەن كۇرەسۋدە جالپى تۇسىنىك پەن ءبى­رىك­تىرىلگەن ءىس-قيمىل جاساۋ قا­جەت. بۇگىندە, جالپى العاندا, عا­سىرلار بويى جيناقتالعان بار­لىق باستامالاردىڭ بەرىكتىلىگى شىڭدالۋدا. مۇندا دا بارشامىزعا ول جاقتا بولىپ جاتقاندى تاعى ءبىر مارتە تالقىعا سالىپ, لاڭكەستىكپەن كۇرەسۋ جونىندە قوسىمشا بىرلەسكەن شارالاردى قاراستىرۋىمىز قاجەت شىعار. بۇگىن بىزدە وسىنداي ءمۇم­كىندىك بولادى دەپ ۇمىتتەنەمىن. ىن­تى­ماقتاستىمىزعا قاتىستى ايتار بولساق, ونىڭ ستراتەگيالىق تاتۋلىق سيپاتقا يە ەكەندىگى ءسوزسىز, ادەتتەگىدەي, الدىمىزعا ءومىر مەن زاماناۋي ۋاقىت قويىپ وتىرعان  سول ماسەلەلەردى شەشۋگە ءبىرشاما سەنىمدى قادام باسىپ كەلەمىز», دەدى س.شويگۋ. كەشە استانادا شىۇ-عا قا­تىسۋشى ەلدەر قورعانىس مي­نيستر­لەرىنىڭ كەڭەسى وتكەنىن ايتا كەتەيىك. وتىرىس شەڭبەرىندە شىۇ-عا مۇشە مەملەكەتتەر اسكەري ۇرمەلى وركەسترلەرىنىڭ «بەيبىتشىلىك كەر­نەيى» ءىىى حالىقارالىق فەستيۆالى ءوتتى. شىۇ-عا قاتىسۋشى ەلدەر اسكەري مۋزىكانتتارىنىڭ فەس­تيۆالىنە قىرعىز رەسپۋبليكاسى, قىتاي حالىق رەسپۋبليكاسى, رەسەي فەدەراتسياسى, تاجىكستان رەس­پۋب­ليكاسى مەن قازاقستان رەس­پۋبليكاسى اسكەري وركەستر­لەرىنىڭ جەكە قۇرامى قاتىستى. «ەگەمەن-اقپارات»