+43

بيىل وڭتۇستىكتە قىس بول­ماعان. بۇرىن دا جارىتپايتىن قىس مەزگىلىنىڭ سوڭعى جا­­­عىن­دا شەلەكتەپ جاڭبىر جاۋىپ, جۇرت­­تىڭ اپتەر-ءتاپ­تە­رىن شىعارعان ەدى. سول جاڭبىر ءسال ءۇزىلىس الىپ, مامىرعا دەيىن توكتى دە تۇردى. ال ماۋسىم ايىندا اۋا رايى وزگەرىپ, كۇن ىسي باستادى. اۋا رايىن زەرتتەۋشىلەر ۇيا­لى تەلەفونداعى SMS ارقىلى وسى اپتانىڭ ورتاسىندا كۇننىڭ ىس­تىقتىعى 40-43 گرادۋسقا دەيىن جەتەتىنىن قۇلاقتاندىردى. اپتاپ جەردىڭ بەتىن تاباعا شەلپەك قۋىرعانداي ءبىر تارىنىڭ قاۋىزىنا سىيدىرىپ تۇر. راما­زان ايىندا ورازا ۇستاعاندار «بۇل دا قۇدايدىڭ پەندەسىنە دەگەن سى­ناعى», دەپ قانشا قينالسا دا شۇكىرشىلىك ەتەدى. وڭتۇستىك قازاقستان وبلىسى­نىڭ اتاۋى وسىلاي بولعانىمەن, ونىڭ دا وڭتۇستىگى مەن تەرىسكەيى بار. كۇن كوزىنە وتە جاقىن سارى­اعاش, ماقتاارال اۋداندارىندا كۇن قىسىمى وتە جوعارى بولعان­دىقتان, ديقاندار شارۋاسىن تاڭەرتەڭگىلىك سالقىندا باستاپ, كۇن قايتقاندا جالعاس­تىرادى. شىمكەنتتە سۋبۇرقاقتار تولىق جۇمىس جاساۋعا كوشىرىلدى. ادامدار توسىن تابيعاتقا وسىلاي امالداپ جاتىر. باقتيار تايجان, «ەگەمەن قازاقستان» وڭتۇستىك قازاقستان وبلىسى