ماريا شاراپوۆا ەكى جىلعا ۇلكەن سپورتتان شەتتەتىلدى

رەسەيدىڭ ەڭ اتاقتى تەننيسشىسى ماريا شاراپوۆا تىيىم سالىنعان مەلدوني پرەپاراتىن قولدانعانى ءۇشىن حالىقارالىق تەننيس فەدەراتسياسىنىڭ (ITF) شەشىمىمەن 2 جىلعا ديسكۆاليفيكاتسيا الدى. بۇل تۋرالى «ر-سپورت» اقپارىنا سۇيەنگەن egemen.kz ءتىلشىسى حابارلادى. ۇكىم سارسەنبى كۇنى شىعارىلدى. وسىلايشا تەننيسشىنىڭ 2016 جىلدىڭ تامىز ايىندا برازيليادا وتەتىن وليمپيالىق ويىندارعا قاتىسا المايتىنى بەلگىلى بولدى. بيىلعى جىلدىڭ باسىندا سپورتشىنىڭ ورگانيزمىنەن بۇكىلالەمدىك انتيدوپينگىلىك اگەنتتىكتىڭ (WADA) 2016 جىلعى 1 قاڭتاردان باستاپ قولدانۋعا تىيىم سالعان مەلدونيدىڭ ىزدەرى تابىلعان بولاتىن. سپورتشىنىڭ ديسكۆاليفيكاتسيا ۋاقىتى 2016 جىلعى 26 قاڭتاردىن باستاپ ەسەپتەلەدى. دەمەك, 2018 جىلعى 25 قاڭتاردا ونىڭ مەرزىمى بىتەدى. ەگەر شاراپوۆانىڭ بيىلعى ساۋىردە 29-عا تولعانىن ەسكە الساق, ەندى ەكى جىلدان كەيىن ونىڭ مانسابىن جالعاستىرىپ اكەتە الاتىنىنا سەنۋ قيىن. بىراق سپورتشى مۇنىمەن كەلىسىپ وتىرعان جوق. ول حالىقارالىق سوتتان ادىلدىك ىزدەيتىنىن ايتىپ وتىر. داستان كەنجالين. دەرەك, فوتو: ر-سپورت.