فۋتبول. امەريكا كۋبوگى: كولۋمبيا شيرەك فينالعا شىقتى

استانا. 8 ماۋسىم. اقش-تا فۋتبولدان ءوتىپ جاتقان امەريكا كۋبوگى تۋرنيرىندە ا توبىنىڭ كوماندالارى ەكىنشى ماتچتارىن وتكىزدى. بۇل تۋرالى egemen.kz ءتىلشىسى حابارلادى. اقش قۇراماسى كوستا-ريكا كومانداسىن كەزدەسىپ, 4:0 ەسەبىمەن جەڭسە, كولۋمبيا پاراگۆايدى 2:1 ەسەبىمەن ۇتتى. كولۋمبيا التى ۇپاي الىپ, شيرەك فينالعا شىقتى. وسى توپتا قۇراما شتاتتاردىڭ ويىنشىلارى بۇگىنگى جەڭىستەن كەيىن ەكىنشى ورىندا كەلەدى. كەلەسى اينالىمعا اقش شىعاتىن سياقتى. ال ءبىر-بىردەن ۇپايى بار پاراگۆاي مەن كوستا-ريكا كوماندالارىنا شيرەك فينالعا شىعۋ وڭاي بولمايدى. ولاردىڭ ەكەۋىنىڭ بىرەۋى ¼ فينالعا شىعۋ ءۇشىن اقش پەن كولۋمبيانى ءىرى ەسەپپەن جەڭۋ كەرەك. ال بۇل ايتۋعا وڭاي بولعانىمەن, مۇمكىن ەمەس. كەلەسى ويىندا امەريكا قۇراما شتاتتارى پاراگۆايمەن, كوستا-ريكا كولۋمبيامەن كەزدەسەدى. ەرتەڭ ۆ توبىنىڭ قۇرامالارى جاسىل الاڭعا شىعادى. برازيليا گايتيمەن, ەكۆادور پەرۋمەن وينايدى. داستان كەنجالين. دەرەك, فوتو: egemen.kz ۆيدەو: vkontakte الەۋمەتتىك جەلىسى.