قازاقستانعا رەسەيدىڭ قورعانىس ءمينيسترى نەگە كەلدى؟

استانا. 8 ماۋسىم. رەسەي فەدەراتسياسىنىڭ قورعانىس ءمينيسترى سەرگەي شويگۋ قازاقستانعا كەلدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. بۇگىن سەرگەي شويگۋ شانحاي ىنتىماقتاستىق ۇيىمى اياسىندا وتەتىن قورعانىس مينيسترلىگىنىڭ جيىنىنا قاتىسادى. «جيىندا حالىقارالىق قاۋىپسىزدىك پەن شانحاي ۇيىمىنىڭ كەڭىستىگىندە جاڭا قاۋىپ-قاتەرگە ءتيىستى شارالار قولدادانۋ جولدارىن انىقتاۋ سەكىلدى ماسەلەلەر تالقىلانىپ, ارىپتەستەرمەن پىكىرلەسۋ», – دەيدى رەسەيدىڭ اسكەري ۆەدومستۆا وكىلى يگور كوناشەنكوۆ. سونىمەن قاتار, ول: «وسى جيىندا قىركۇيەك ايىندا قىرعىزستان ەلىندە وتەتىن «بەيبىتشىلىك ميسسياسى-2016» اتتى انتيتەررورلىق وقۋ-جاتتىعۋ شاراسىنىڭ جوسپارى پىسىقتالادى», – دەدى. ايتا كەتەيىك, اتالعان وقۋ-جاتتىعۋ جيىنى شىۇ اياسىندا بىرىككەن رەسەي, قازاقستان, قىرعىزستان, وزبەكستان جانە تاجىكستان ەلدەرىنىڭ قاتىسۋىمەن وتكىزىلەدى. نەگىزگى ماقسات – لاڭكەستىكتىڭ الدىن الۋ, تەررورلىق ارەكەتكە تويتارىس بەرۋ جانە قاتىسۋشى ەلدەردىڭ اسكەري بىلىكتىلىگىن ارتتىرۋ. جيىن سوڭىندا سەرگەي شويگۋ قازاقستاننىڭ قورعانىس مينيسترىمەن كەزدەسىپ, اسكەري-تەحنيكالىق ارىپتەستىكتتى نىعايتاتىن قۇجاتتارعا قول قويادى. تالعات رايىمبەك. دەرەك: ريا «نوۆوستي» اقپارات اگەنتتىگى. فوتو: news-front.