قاراعاندىدا جالعان حابارلاما جاساعان كۇدىكتى قولعا ءتۇستى

قاراعاندى. 8 ماۋسىم. قاراعاندى ىشكى ىستەر باسقارماسىنىڭ جەدەل باسقارۋ ورتالىعىنا ورتالىق امبەباپ دۇكەنگە جارىلعىش زات قويىلعانى تۋرالى بەلگىسىز بىرەۋدەن حابارلاما ءتۇستى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ساۋدا ورتالىعىنا شۇعىل قىزمەت تۇرلەرىنىڭ ءبارى جەتتى. تۇتىنۋشىلار, ساتۋشىلار جانە تەحنيكالىق قىزمەتكەرلەر, بارلىعى 500-گە جۋىق ادام دابىل بويىنشا سىرتقا شىعارىلدى. ساپەرلەر عيمارات ءىشىن ءسۇزىپ شىقتى. جارىلعىش زات تابىلمادى. ءتارتىپ ساقشىلارى جەدەل-ىزدەستىرۋ شارالارى بارىسىندا قاراعاندى قالاسىنىڭ 26 جاستاعى تۇرعىنىن قولعا ءتۇسىردى. ول ماس كۇيىندە ءوزىنىڭ ۇيالى تەلەفونىنان 102 نومىرىنە قوڭىراۋ شالىپ, جالعان حابارلاما جاساعانىن مويىندادى. ۇيالى تەلەفون ايعاق رەتىندە تاركىلەندى. كۇدىكتىگە قاتىستى لاڭكەستىك اكت تۋرالى جالعان حابارلاما جاساعانى ءۇشىن قىلمىستىق ءىس قوزعالدى. ول التى جىلعا دەيىن باس بوستاندىعىنان ايىرىلۋى مۇمكىن. قايرات ءابىلدينوۆ. دەرەك, فوتو: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.