جەڭىسكە جەتتى

كەشە قىتايدىڭ داليان قالاسىندا فۋتبولدان قازاقستان مەن قىتاي ۇلتتىق قۇراما كوماندالارىنىڭ اراسىندا جولداستىق كەزدەسۋ ءوتتى. كەزدەسۋدە قازاقستان قۇرا­ماسى 1:0 ەسەبىمەن جەڭىسكە جەت­تى. ماتچتا الاڭعا 67-مينۋتتا شىققان جارتىلاي قورعاۋشى ازات نۇرعاليەۆ جالعىز دوپتىڭ اۆتورى اتاندى. جالپى, ويىن وتە تارتىستى جاعدايدا ءوتتى. ءبىرىنشى تايمدا قارسىلاستار ءبىر-ءبىرىن اڭدىپ, ارا-تۇرا شابۋىل جاساعانىمەن, كوپ قاۋىپتى جاعداي جاساماعان ەدى. ال ەكىنشى تايمدا جاسىل الاڭدا ناعىز تايتالاسقان ويىن بولدى. الاڭ يەلەرى ماتچ­تىڭ جولداستىق كەزدەسۋ ەكەنىن ۇمىتىپ, ءبىرىن­شى تايمنىڭ سوڭىنان باستاپ وتان­داستارىمىزعا قارسى دورەكى وينادى. سونداي ساتتەردىڭ ءبى­رىندە ۇلان قونىسباەۆ جارا­قات الىپ قالدى. بىراق ۇلت­تىق قۇرامامىز ونداي پسي­حو­­لو­گيالىق قىسىمدارعا «سىن­­باي», كەرىسىنشە, نامىسقا تىرى­سىپ, شابۋىلداردى جيىلەتە ءتۇستى. قىتاي قۇراماسى دا قاراپ جاتپادى. ولار دا داۆيد لوريا قورعاعان قاقپاعا بىرنەشە قاۋىپتى ءسات ءتوندىردى. وسى كەزدە قۇ­را­مانىڭ باس جاتتىقتىرۋشىسى ءمىن­­دەتىن اتقارۋشى تالعات بايسۋ­فينوۆ الاڭعا سەرگەي حيجني­چەنكونىڭ ورنىنا ازات نۇر­عاليەۆتى شىعاردى. بۇل ويىنشىنى وتە ءساتتى الماستىرۋ بولدى. ازات قىتاي كومانداسى قاقپاسىنا شابۋىلداردىڭ بىرىندە اۋەلەتىپ بەرىلگەن پاستى پايدالانىپ, باسپەن ادەمى گول سوقتى. وسىدان كەيىن الاڭ يەلەرى قانشا شابۋىلداعانىمەن, جەر­لەستەرىمىز ساۋاتتى قورعانىپ, تابلوداعى ەسەپتى ويىن سوڭىنا دەيىن ساقتاي ءبىلدى. داستان كەنجالين, «ەگەمەن قازاقستان»