«ادامزاتتىڭ ابايى»

كورمەسىندە ەكسكۋرسيا ءۇش تىلدە جۇرگىزىلدى ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايى استانادا «ادامزاتتىڭ ابايى» اتتى كورمە وتكىزدى. اباي ەسىمى – قا­زاق حالقىنىڭ ۇلتتىق سانا­سىنىڭ ويانۋى مەن رۋحا­ني قايتا جاڭعىرۋىنىڭ, قوعام­نىڭ وزىق كۇشتەرىنىڭ وركە­نيەتتىلىككە ۇمتىلىسى مەن الەۋ­مەتتىك ادىلدىكتىڭ سيمۆولى. ەل باسقارۋ ىسىنە ارا­لاسقان اباي تۋعان حال­قىنىڭ تۇرمى­سىنداعى ساۋلەلى جانە كولەڭكەلى جاق­تارىن تۇگەل كورىپ, قازاق ءومىرىن جان-جاق­تى ەرتە تانيدى. ءوز شى­عارمالارىندا اباي قازاق تىرشىلىگىنىڭ ەڭ كوكەيكەستى ماسە­لەلەرىن, ماڭىزدى الەۋمەتتىك, قوعامدىق, مورالدىق پروبلەمالارىن, حالىقتىڭ تاعدىرىنا, ادەت-عۇرپىنا قاتىستى ماسەلەلەردى كوتەرەدى. سول كەزەڭدە سەمەيدە ولكەتانۋ مۋزەيى, رەسەي گەوگرافيالىق قوعا­مىنىڭ بولىمشەسى, ساناق كوميتەتى ۇيىمداستىرىلادى. اباي ساناق كوميتەتىنىڭ, رەسەي گەوگرافيالىق قوعامى سەمەي بولىمشەسىنىڭ, بالالارى – اقىلباي, ماعاۋيامەن بىرگە قالاداعى باستاۋىش ءبىلىم بەرۋگە قامقورلىق قوعامىنىڭ ءمۇ­شەسى بولدى. حاكىمنىڭ قازاق بالالارى­نا دەگەن قامقورلىعى بۇگىن دە جالعاسىن تاۋىپ, ابايدىڭ مەملە­كەتتىك قورىق-مۇراجايىنىڭ اكىم­شىلىگى «اباي كەشى» قوعامدىق قايى­رىمدىلىق توبىنىڭ ۇسىنى­سىن قابىلداپ, استانا قالاسىنىڭ «Hilton Garden Inn» قوناق ءۇيىن­دە «ادامزاتتىڭ ابايى» تاقى­رىبىندا قايىرىمدىلىق كورمەسىن ۇيىمداستىردى. كورمە ۇلى اقىننىڭ ءومىرى مەن شىعارماشىلىعىنا ارنالدى. كورمەگە اباي دوسى ن.ي.دول­گوپولوۆ ارقىلى 1885 جى­لى سە­مەيدەگى ولكەتانۋ مۋزەيىنە ءوز قولى­مەن تاپسىرعان جادىگەرلەردىڭ تۇپنۇسقاسى, ابايدىڭ تۇمار-دومبىراسى جانە الەم تىلدەرىندەگى اباي شىعارمالارى قويىلدى. «اباي كەشى» قايىرىمدىلىق گالا-كەشىنە كەلگەن ەلشىلەر مەن كاسىپكەرلەر, اتىراۋداعى جەتىم بالالار ءۇيىنىڭ تاربيەلەنۋشىلەرى كورمەنى اسا قىزىعۋشىلىقپەن تاماشالادى. اباي قورىق-مۇراجاي قىزمەتكەرلەرى كەلگەن قوناقتارعا قازاق, ورىس, اعىلشىن تىلدەرىندە ەكسكۋرسيا جۇرگىزدى. مۇنداي قايى­رىمدىلىق شارالار الداعى ۋا­قىتتا دا جالعاسىن تابادى. «ەگەمەن-اقپارات»