قازتەلەراديو وتاندىق «KazSat-3» جەرسەرىگىنە كوشۋدە

«KazSat-3» جەرسەرىگى عارىشتىق قولدانۋعا 2014 جىل­دىڭ جەلتوقسان ايىندا جىبەرىلگەن بولاتىن, سونىڭ ارقاسىندا ۇلتتىق تەلەراديوحابار تاراتۋدى وتاندىق جەرسەرىككە كوشىرۋگە مۇمكىندىك تۋدى. قازىردىڭ وزىندە 14 قا­زاقستاندىق كاسىپورىن «KazSat» سەرياسىنداعى عارىش اپپاراتىن قولدانۋدا, ولاردىڭ اراسىندا قازاقستان رەسپۋبليكاسىنىڭ ءىرى تەلەكوممۋنيكاتسيالىق وپەراتورلارى, ۇلتتىق كومپانيالار, اسكەري قۇرىلىمدار, ءتارتىپ ساقتاۋ ورگاندارى, مەملەكەتتىك مەكەمەلەر, سونداي-اق ەلىمىزدەگى جەكەمەنشىك كومپانيالار دا بار. قازاقستان رەسپۋبليكاسىنىڭ تەلەراديوحابار تاراتۋ ۇلتتىق وپەراتورى «قازتەلەراديو» اق 1 ناۋرىزدان بەرى ءوزىنىڭ تسيفرلىق تەلەارنالارىنىڭ حابار تاراتۋىن شەتەلدىك جەرسەرىكتەن وتاندىق جەرسەرىككە كوشىرۋدە. ابونەنتتەردى «KazSat-3» جەرسەرىگىنە تولىق كوشىرگەنشە حابار تاراتۋ ەكى جەرسەرىكتەن دە جۇرگىزىلەدى, الايدا بۇل كوشۋ كەزىندە قازاقستاندىق تۇتىنۋشىلار جەلىدەن قول ءۇزىپ قالماۋى ءۇشىن قولعا الىنعان ۋاقىتشا شارا. «KazSat-3» تەلەكوممۋنيكا­تسيالىق عارىش اپپاراتى بايلانىس, تەلەحابار تاراتۋ جانە قازاقستان اۋماعىندا جوعارى جىلدامدىقتى ينتەرنەت جەلىسى قىزمەتتەرىمەن قامتاماسىز ەتۋگە باعىتتالعان. ەل اۋماعىندا تەلەۆيزيانى تاراتۋعا جاعداي جاساۋ­دان باسقا «KazSat-3» جەرسەرىگى ەلىمىزدىڭ اقپاراتتىق قاۋىپسىزدىگىن ارتتىرىپ, مەملەكەتتىك ورگا­ن­داردى تاۋەلسىز بايلانىس ارنالارىمەن قامتاماسىز ەتىپ, شەتەلدىك جەرسەرىكتەردى جالداۋعا كەتەتىن قاراجاتتى ۇنەمدەۋگە ماقساتتالعان. ال بۇل زەينەتاقى, مۇعالىمدەر مەن دارىگەرلەردىڭ جالاقىسى, جاردەماقىلار جانە ت.ب. قازىردىڭ وزىندە حابار تارا­تۋدىڭ تسيفرلىق ستاندارتى پايدا بولعالى, تەلەكورەرمەندەر بەينە مەن دىبىستىڭ ساپاسىنا جوعارى باعا بەرىپ جاتىر. حالىققا «تسيفردىڭ» ارتىقشىلىقتارىن ءتۇسىنۋ ءۇشىن ۋاقىت كەرەك. الايدا, تسيفرلىق حابار تاراتۋ سيگنالىنىڭ بولاشاعى زور ەكەنىنە قازىردەن كۇمان جوق. قازاقستاندىق «KazSat-3» جەرسەرىگىنە كوشۋ ءبىزدىڭ «OTAU TV» جەرسەرىكتىك تەلە­ۆيزيا ابونەنتتەرى قوسىمشا SD ارنالاردى تسيفرلىق ساپادا كورە الادى. سونداي-اق, HD-ارنا­لاردى (جوعارى ايقىندىقتاعى ارنالار)  قوسۋ مۇمكىندىگى بار, ول اعىمداعى جىلدىڭ ەكىنشى جارتىسىندا اقىلى توپتامانى قولدانۋشىلارعا قولجەتىمدى بولادى. بۇل جاعدايدا ابونەنتتەرگە جەرسەرىكتىك قوندىرعىنى كۇيگە كەلتىرۋ كەرەك. ويتكەنى, 58,5 گرادۋس دەگەن جاڭا گەوستاتسيونارلىق پوزيتسيا بەكىتىلگەن («Intelsat 904-تەن» حابار تاراتۋ كەزىندە 60 گرادۋستىق پوزيتسيا بەكىتىلگەن بولاتىن), ايتپەسە جەرسەرىكتىك انتەننا قازىرگى جاعدايىندا سيگنال قابىلداي المايدى. ول ءۇشىن ۇيرەتۋشى ماتەريال جاسالىپ, بەينەروليك ءتۇسىرىلدى. ونى  www.otautv.kz جانە www.kazteleradio.kz سايتتارىنان كورىپ, جۇكتەپ الۋعا بولادى. ەگەر ۇيدە ءتۇرلى سەبەپتەرمەن قوندىرعىنى كۇيگە كەلتىرەتىن ادام تابىلماسا, ءوزارا كەلىسىممەن اۆتورلاستىرىلعان ديلەرلەردىڭ كومەگىنە جۇگىنە الادى. ديلەرلەر بارلىق وبلىستىڭ بارلىق اۋدانىندا بار. بايلانىس مالىمەتتەرى www.otautv.kz سايتىندا كورسەتىلگەن. ابونەنتتەردىڭ نازارىنا تاعى ءبىر جايت, ابونەنت قوندىرعىنى كۇيگە كەلتىرگەن سوڭ, بۇل جونىندە 193 نەمەسە 7193 تەلەفوندارى ارقىلى call-ورتالىققا, سونداي-اق ءوز وڭىرىندەگى ساتۋ ورتالىعىنا حابارلاسىپ, دەربەسشوت پەن بايلانىس تەلەفون نومىرلەرىن قالدىرۋى كەرەك. سوندا ابونەنت كەپىلدەندىرىلگەن سىيلىققا يە بولماق. «ەگەمەن-اقپارات»