قورىتىندىلار قۋانتادى

حالىقارالىق «KADEX» قارۋ-جاراق پەن اسكەري-تەحنيكالىق م ۇلىك كورمەسى شەڭبەرىندە «قازاقستان ينجينيرينگ» ۇك» اق بۇگىنگى تاڭدا 45 ميلليارد تەڭگەگە بىرقاتار شەتەلدىك كومپانيالار جانە قازاقستاندىق كاسىپورىندارمەن ۇزاق مەرزىمدى ىنتىماقتاستىق تۋرالى كەلىسىم جاساستى. «قازاقستان ينجينيرينگ» ۇك» اق-تىڭ باسشىلىعى, سون­داي-اق, ەنشىلەس ۇيىمداردىڭ جە­تەك­شىلەرى قورعانىس-ونەر­كا­سىبى كەشە­نىنىڭ وكىلدەرى ءجا­نە شەتەل مەملەكەتتەرىنىڭ جە­تەك­شى قارۋ-جاراق پەن اسكەري ءون­دى­رۋشىلەرىمەن 40-تان اسا كەزدەسۋ وتكىزدى. سونىمەن, «قازاقستان ينجينيرينگ» ۇك» اق-پەن كەلىسسوز جۇرگىزۋ ناتيجەسىندە «405-اجز» اق جانە «رەسەي تىكۇشاقتارى» اق رەسەيلىك ءوندىرىستىڭ تىكۇشاق تەحنيكاسىنا ساتىلىمنان كەيىنگى قىزمەت كورسەتۋدى كەڭەيتۋ ماقسا­تىندا 2020 جىلعا دەيىنگى كەزەڭگە بىرلەسكەن جوبالاردىڭ جول كارتاسىنا قول قويدى. «قازاقستان ينجينيرينگ» ۇك» اق پەن رەسەيلىك «قورعانىس ءجۇ­يەلەرى» «رەپەللەنت» شاعىن كولەمدى ۇشقىشسىز ۇشۋ اپپارات­تارى جانە «اۆتوبازا-م» جەرۇستى راديوتەحنيكالىق بارلاۋ كەشەنى بار راديوەلەكتروندىق كۇرەس ك­ە­شەن­دەرىن جەتكىزۋ اياسىندا كەلى­سىم جاساستى. «كاە» جشس «ستت عزي» اق-پەن (رف) كوزدەۋىش كەشەندەرىنە جىلۋۆيزيالىق كامەرالاردى كى­رىك­­تىرۋ تۋرالى بەلورۋسسيالىق «پەلەنگپەن» ۇۇا-عا ءارى قاراي كى­رىكتىرۋ ءۇشىن ينفراقىزىل لينزالار مەن جىلۋۆيزيالىق كامەرالار­دى جەتكىزۋ تۋرالى ءتيىستى قۇجاتقا قول قويىپ, ىمىراعا كەلدى. «س.م.كيروۆ اتىنداعى زاۋىت» اق پەن «Elcom innovations» ءۇندى كومپانياسى كورمە الاڭىندا راديوەلەكترونيكا جانە بايلانىس اياسىنداعى ىنتىماقتاستىق تۋرالى, «پزتم» اق, «قازاقستان پاراماۋنت ينجينيرينگ» جشس جانە يزرايلدىك «Elbit Systems» كومپانيالارى كەرى سەرپىلىستى قۇرىلعىلار مەن مەحانيكالىق جەتەكتەرى بار 120 مم مينا اتقىش نەگىزىندە جۇيەنى ءوندىرۋ بولىگىندە مەموراندۋم جاساستى. «گيدروپريبور» عزي» اق پەن يسپانيالىق «SAES» كوم­پانيا­لارى تەڭىز مينالارىن ءبىر­لەسىپ ءوندىرۋدى مەڭگەرۋدى جو­­س­پارلاپ وتىر. بۇل تۋرالى مەمو­راندۋمعا كومپانيا باسشىلارى «KADEX-2016» كورمەسىنىڭ ەكىنشى كۇنى بارىسىندا قول قويدى. ءىرى كەلىسىمشارتتاردىڭ ءبىرى – ميانماعا كونۆەرسيالىق تەحنيكانى جەتكىزۋ بولدى. «سەمەي ين­جينيرينگ» اق «MCM Pte Ltd» وكىلدەرىمەن كەلىسىمشارت جاساستى. اسكەري جانە ازاماتتىق ماقساتتاعى جاڭعىرتىلعان تەحني­كانىڭ ەكسپورتى تۋرالى تاعى ءبىر مەموراندۋمعا بولگاريالىق «م­ەتاليكا – اب ەوود» كومپانيا­سىمەن قول قويىلدى. «قازاقستاندىق اۆياتسيالىق يندۋستريا» جشس-عا (قاي) مي-2 جانە مي-8 تىكۇشاقتارىن جاڭ­عىرتۋ بويىنشا تەحنولوگيا­لار مەن مي-8 تىكۇشاقتارىنا ار­نالعان قوزعالتقىشتاردى كۇر­دەلى جوندەۋدى بەرۋ تۋرالى «مو­تور سيچ» اق-پەن (ۋكراينا) كاسىپ­ورىنمەن كەلىسىمگە قول قويىلدى. سۋ-25 ۇلگى­سىندەگى ۇشاقتى كۇر­دەلى جوندەۋ مەن جاڭ­عىرتۋ كەلى­سىم­شارتىنا بەلو­رۋس­سيالىق «558-اۆياجوندەۋ زاۋىتىمەن» قول قويىلدى. «ەۋروكوپتەر قازاقستان ينجينيرينگ» جشس (ەسكي) بىرقاتار قازاقستاندىق كومپانيالار مەن مەملەكەتتىك قۇرىلىمدارعا ءوزى­نىڭ تىكۇشاقتارىن ىقتيمال جەت­كىزۋ تۋرالى ۋاعدالاستىققا قول جەتكىزدى. ەس-125-ءتىڭ 7 تىكۇشاعىن ساتىپ الۋ جونىندە مەموراندۋمعا شىعىس قازاقستان وبلىسى اكىم­دىگىنىڭ وكىلدەرى ەسكي-مەن قول قوي­دى, ەس-130-دىڭ 18 تىكۇشا­عى – «قازمەدەير» جشس كوم­پا­نيا­سىنىڭ باسشىلىعى. سونىمەن قاتار, ەسكي «قازاۆياسپاس» اق-تا بار ەس-145 بورتتارىنا تەح­نيكالىق قىزمەت كورسەتۋ جۇرگىزۋگە نيەتتى. بۇدان بۇرىن حابارلانعانداي, 2016 جىلعى ماۋسىمنىڭ 2-ءسى مەن 5-ءى ارالىعىندا استانادا IV حالىق­ارالىق «KADEX» قارۋ-جاراق پەن اسكەري-تەحنيكالىق م ۇلىك كور­مەسى وتەدى. ونىڭ بىرلەسكەن ۇيىم­داستىرۋشىسى «قازاقستان ينجينيرينگ» ۇك» اق بولىپ تابىلادى. «قازاقستان ينجينيرينگ» كومپانياسىنىڭ توبى بيىلعى جىلى كورمە قاتىسۋشىلارىنا 42 بىرلىك اسكەري تەحنيكا, سون­داي-اق 95 بىرلىك اسكەري جانە ازا­مات­تىق ماقساتتاعى بۇيىمنىڭ تۇساۋىن كەسەتىن 20 كاسىپورىنمەن ۇسىنىلعان. ساۋلەبەك ءبىرجان