وڭىردە ءبىرىنشى بولىپ اياقتادى

اقمولالىق ديقاندار جىل سايىنعى جاقسى داستۇرلەرىن جالعاستىرىپ, ءداندى داقىلدار ەگۋ ناۋقانىن بيىل دا سولتۇستىك وڭىردە قىزۋ قارقىنمەن جۇرگىزىلدى. قولىمىزداعى دەرەك بويىنشا, ءوڭىردىڭ اگرووندىرىستىك كەشەندەرى 4 ميلليون 217,7 مىڭ گەكتار اۋماققا ءداندى جانە بۇرشاق داقىلدارىن ەككەن. سونىڭ ىشىندە, مايلى داقىلدار 206,7 مىڭ گەكتار (100% جوس­پارلى), كوپجىلدىق شوپتەسىن – 36,6 مىڭ گەكتار (100%), جۇگەرى سۇرلەمى  – 8,9 مىڭ گەكتار (127%), كارتوپ – 18,7 مىڭ گەكتار (100%) جانە كو­كونىس – 4,4 مىڭ گەكتار (100%) القاپقا ورنالاستىرىلدى. اۋىل شارۋاشىلىعى تەحنيكاسىن دايىنداۋ بويىنشا جۇمىستار دا ۋاقتىلى ءارى ءتيىستى دەڭگەيدە جۇرگىزىلىپ, ەگىن سەبۋ ناۋقانى باستالماس بۇرىن كولىكتىك-تراكتورلىق پارك تولىق دايىندالدى. اتاپ ايتساق, بيىلعى ناۋقانعا 15688 بىرلىك تراكتور, 17575 – دانسەپكىش, 1076 – كەڭ الىم­دى كەشەن, 22155 – تىرناۋىش, 2459 – قوپسىتقىش جانە 1086 – سىدىراجىرتقىش قاتىس­تىرىلعان. سونداي-اق, 2016 جىلعى كوكتەمگى ەگىس جۇمىستارىن جۇرگىزۋگە نەسيەلەۋ باعدار­لاماسى بويىنشا «ەسىل ااك» ۇك» اق كەپىلدەمەسى بويىنشا 5,0 ميلليارد تەڭگە قارجى بولىنگەنىن ايتا كەتۋگە بولادى. وعان قوسا, ءدان سەبۋ جۇ­مىس­تارىنا – 77,1 مىڭ توننا ديزەل وتىنى, 8,2 مىڭ توننا جانارماي, 4,5 مىڭ توننا جاعارماي جۇمسالعان. باقبەرگەن امالبەك, «ەگەمەن قازاقستان» اقمولا وبلىسى