ساپاردىڭ سوڭعى ساپارى

اقتوبە قالاسىنداعى №6655 اسكەري بولىمدە وتان الدىنداعى بورىشىن وتەپ ءجۇرىپ, ەل تىنىش­­تىعىن بۇزعىسى كەلگەن سودىرلار­دىڭ قولىنان قازا تاپقان جاۋىنگەر ساپار دوسبولدىڭ دەنەسى ءوزى تۋىپ-وسكەن شاردارا اۋدانىنداعى كوكسۋ اۋىلىندا جەرلەندى. نيەتى بۇزىق جاۋ قولىنان مەرت بولعان جاۋىنگەردى اقتىق ساپارعا شىعارۋ راسىمىنە اۋىلداستارى, جاقىن اعايىنىنان بولەك, وبلىس اكىمى بەيبىت اتامقۇلوۆ پەن ۇلتتىق ۇلان باس قولباسشىسىنىڭ ورىنباسارى مۇحامەتقالي سا­توۆ, وقو قورعانىس ىستەرى ءجونىن­دەگى دەپارتامەنتىنىڭ قىزمەت­كەرلەرى مەن شىمكەنت اسكەري كوميس­سارياتىنىڭ اسكەري قىز­مەت­كەرلەرى قاتىستى. – جاستىعىنا قاراماي, جاۋ­ىنگەر ساپار دوسبول اسكە­ري بورىشىن وتەۋ كەزىندە قاي­سار­لىعى مەن وتانسۇيگىشتىك قاسيەتىن تانىتا ءبىلدى. دوسبولدىڭ ءولىمى – وت­باسىنىڭ باسىنا عانا تۇسكەن اۋىر قازا ەمەس, بۇكىل وڭتۇستىك جۇر­تىنىڭ جانە كۇللى قازاقستان حال­قىنىڭ جۇرەگىنە ءتۇسىپ وتىرعان ۇلكەن قايعى. ول ءوزىنىڭ ارتىنا وشپەس ءىز قالدىردى. ونىڭ جار­قىن بەينەسى ءبىزدىڭ جادىمىزدا ءار­دايىم ساقتالادى, – دەدى وبلىس اكىمى. وبلىستىق اكىمدىك قارالى وتباسىنا جاردەم رەتىندە 5 ملن. تەڭگە كولەمىندە جاردەم كورسەتتى. سونىمەن قاتار, ساپار دوسبولدىڭ ەسىمىن ماڭگى ەستە قالدىرۋ ءۇشىن اۋىلدىڭ ءبىر كوشەسىنە اتىن بەرۋ ماسەلەسىن شەشۋ ءۇشىن مادەنيەت جانە سپورت مينيسترلىگىنە حات جولدادى باقتيار تايجان, «ەگەمەن قازاقستان» وڭتۇستىك قازاقستان وبلىسى