اقتوبەدەگى تەررورلىق اكت ايىپتالدى

كەشە قاسىم-جومارت توقاەۆتىڭ توراعالىعىمەن وتكەن پارلامەنتتىڭ جوعارعى پالاتاسى بيۋروسىنىڭ وتىرىسىندا سەنات توراعاسى پالاتا دەپۋتاتتارىنىڭ اتىنان اقتوبەدەگى تەررورلىق اكتىنىڭ سالدارىنان قازا بولعانداردىڭ وتباسىلارىنا كوڭىل ايتىپ, زارداپ شەككەندەرگە تىلەكتەستىك ءبىلدىردى. سەناتورلار سودىرلاردىڭ ار­سىز­دىعى مەن قاتىگەزدىگىنە نارازى­لىقتارىن جەتكىزىپ, مەملەكە­تى­مىزدىڭ ىشكى ساياسي تۇراقتىلىعىن شايقالتۋدى كوزدەگەن تەررورلىق اكتىلەرگە جول بەرمەۋ قاجەتتىگى تۋرالى مالىمدەدى. پارلامەنتشىلەر پرەزيدەنت ن.نازارباەۆتىڭ باسشىلىعىمەن تاريحي تۇرعىدان العاندا قىس­قا مەرزىم ىشىندە قازاقستان الەۋ­مەتتىك-ەكونوميكالىق جانە دەمو­كراتيالىق دامۋ جولىندا بارشا حالىقارالىق قوعامداستىق مويىنداعان جەتىستىكتەرگە قول جەتكىزىپ, الەمدىك ارەنادا بەدەلدى مەملەكەتكە اينالعانىن اتاپ ءوتتى. بۇل ەلىمىزدەگى كوپۇلتتى حالىقتىڭ مىزعىماس بىرلىگىنىڭ ارقاسىندا ءمۇم­كىن بولدى. قاسيەتتى رامازان ايى­نىڭ قارساڭىندا بولعان ارسىز قىلمىستى دىنمەن بايلانىس­تىرماۋ كەرەك, بۇل, شىن ءمانىن­دە, ءبىزدىڭ ازاماتتارىمىزدىڭ تىنىش­تىعى مەن مامىراجاي ومىرىنە قارسى باعىتتالعان ارام نيەتتى قا­راقشىلىقتىڭ كورىنىسى. سەناتور­لار كونستيتۋتسيالىق تارتىپكە جانە قازاقستان قوعامىنداعى بەيبىتشىلىك پەن كەلىسىمگە ەشكىمنىڭ قول سۇعۋعا قاقىسى جوق دەپ سانايدى جانە قۇقىق قورعاۋ ورگاندارىنىڭ قاراقشىلاردىڭ كوزىن جويىپ, ولاردى جاۋاپقا تارتۋ جونىندەگى ارەكەتتەرىن قولدايدى, دەپ حابارلادى پارلامەنت سەناتىنىڭ ءباسپاسوز قىزمەتى.