قازاقستان بايقاۋشى رەسمي مارتەبەسىن الدى

قازاقستان كاريب مەملەكەتتەرى قوعام­داس­تىعى (كمق) جانىنداعى بايقاۋشى رەسمي مارتەبەسىن الدى. بۇل شەشىم گاۆانادا وتكەن كمق-عا مۇشە ەلدەر مەملەكەت جانە ۇكىمەت باسشىلارىنىڭ 7-ءشى ءسامميتى بارىسىندا قابىلداندى. اتالعان ءىس-شارادا قازاقستاندىق دەلەگاتسياعا سىرتقى ىستەر ءمينيسترىنىڭ ورىنباسارى ەرجان اشىقباەۆ باسشىلىق ەتتى. ال كاريب مەملەكەتتەرى قوعامداستىعى لاتىن امەريكاسى مەن كاريب باسسەينى ايماعىنداعى ەڭ بەدەلدى ۇيىمداردىڭ ءبىرى بولىپ تابىلادى. وسى قوسالقى وڭىرلىك بىرلەستىكتىڭ قۇرامىنا ءوڭىردىڭ 25 تاۋەلسىز مەملەكەتتەرى ەنەدى. قازاقستانمەن بىرگە كمق جانىنداعى بايقاۋشى قاتارىندا ۇلىبريتانيا, يتاليا, يسپانيا, نيدەرلاند كورولدىگى, كانادا, وڭتۇستىك كورەيا, رەسەي, بەلارۋس جانە ت.ب. مەملەكەتتەر بار. قازاقستاننىڭ كمق-عا قوسىلۋ ءوتىنىمى وسى ايماق ەلدەرىمەن كوپتەگەن ماسەلەلەر بويىنشا, سونىڭ ىشىندە تۋريزم, ەنەرگەتيكا, دەنساۋلىق ساقتاۋ جانە ت.ب. ءوزارا ءتيىمدى ارىپتەستىكتى دامىتۋعا دەگەن ۇمتىلىسىمەن تۇسىندىرىلەدى. بۇل باعىتتىڭ قازاقستان سىرتقى ساياساتىنداعى وزەكتىلىگىن قازاقستان پرەزيدەنتى نۇرسۇلتان نازارباەۆتىڭ ۇستىمىزدەگى جىلى ساۋىردەگى كۋباعا مەملەكەتتىك ساپارى كورسەتتى. «ەگەمەن-اقپارات»