قوسقان جانە قوسار ۇلەسىمىز قوماقتى

بۇۇ-نىڭ نيۋ-يوركتەگى شتاب-پاتەرىنىڭ ەكوسوس زالىندا جوعارى دەڭگەيدەگى شارا ءوتتى. ول قازاقستاننىڭ بۇۇ-نىڭ ەنەرگەتيكا ءجو­نىندەگى ورنىقتى دامۋ ماقسات­تارىن جۇزەگە اسىرۋعا قوس­قان ۇلەسىنە ارنالدى. شا­رادا, سونداي-اق, الداعى جىلى استانادا وتەتىن ەكسپو-2017 حالىق­ارالىق مامانداندىرىلعان كورمەسىنىڭ تۇساۋكەسەرى ۇيىمداستىرىلدى. شارانى ۇيىمداستىرۋعا قازاقستان رەسپۋبليكاسىنىڭ بۇۇ جانىنداعى تۇراقتى وكىلدىگى, بۇۇ-نىڭ ەكونوميكالىق جانە الەۋمەتتىك ماسەلەلەر جونىندەگى دەپارتامەنتى, بۇۇ باس حاتشىسىنىڭ وتە ءالسىز دامىعان,  دامۋشى, تەڭىزگە شىعاتىن جولى جوق ەلدەر جانە شاعىن ارال دامۋشى مەملەكەتتەر جونىندەگى ورىنباسارىنىڭ ءوفيسى اتسالىستى. كەزدەسۋدى تابىستى وتكىزۋگە, سونىمەن قاتار, «استانا ەكسپو-2017» ۇلتتىق كومپانياسى, نازارباەۆ ۋنيۆەرسيتەت, سونداي-اق, G-Global-دىڭ حالىقارالىق حات­شىلىعى ۇلكەن ۇلەس قوستى. شاراعا قاتىسۋشىلار – ەلشىلەر مەن بۇۇ جانىنداعى تۇراقتى وكىلدىكتەردىڭ ساراپ­شىلارى, ۇكىمەتتىك ەمەس ۇيىم­داردىڭ, عىلىمي جانە ىسكەر توپتاردىڭ وكىلدەرى 2030 جىلعا قاراي ەنەرگياعا بارشانىڭ قول­جەتىمدىلىگىن قامتاماسىز ەتۋ ماقساتىنا جەتۋ ءۇشىن جاسالىپ جاتقان جۇمىستارعا بايلانىستى پىكىر الماستى. بۇل ارادا اتالعان ماقساتقا جەتۋ جولىندا بۇۇ-نىڭ, ۇلتتىق ۇكىمەتتەردىڭ, بيزنەستىڭ, ازاماتتىق قوعامنىڭ جانە باسقا دا مۇددەلى تاراپتاردىڭ كۇش-جىگەرلەرىن ۇيلەستىرۋلەرى كەرەك ەكەندىگى اتاپ كورسەتىلدى. شارا بارىسىندا بۇۇ باس حات­شىسىنىڭ ورىنباسارى گيان چاندرا اچاريا, باس حاتشىنىڭ ەكونوميكالىق دامۋ جونىندەگى كومەكشىسى لەنني مونتەل, بۇۇ باس حاتشىسىنىڭ ارنايى وكىلى – بارشا ءۇشىن ورنىقتى ەنەر­گەتيكا باستاماسىنىڭ جەتەك­شىسى رەيچەل كايت, نازارباەۆ ۋني­ۆەرسيتەتتىڭ يننوۆاتسيالار جونىندەگى ۆيتسە-پرەزيدەنتى قانات بايعالين, G-Global جەتەكشىسىنىڭ ورىنباسارى مۇرات قارىمساقوۆ, ۇكىمەتتىك ەمەس ۇيىمداردىڭ, عىلىمي جانە ىسكەر توپتاردىڭ وكىلدەرى ءسوز سويلەدى. ەكسپو-2017-ءنىڭ وكىلى رۋس­لان جەمكوۆ كورمەگە دايىن­دىق بارىسى تۋرالى كەڭ كولەم­دى تۇساۋكەسەر جاساپ, نىسان­داردىڭ كورمەدەن كەيىن قانداي ماقساتتاردا پايدالانىلاتىندارى جونىندە اڭگىمەلەپ بەردى. قاتىسۋشىلار, سونداي-اق, قازاقستاننىڭ قۋات تيىمدىلىگىن ارتتىرۋ, بالامالى قۋات كوزدەرىن دامىتۋ مەن قۋاتتىڭ زاماناۋي كوزدەرىنە جالپىعا ورتاق قولجەتىمدىلىكتى قامتاماسىز ەتۋ سالاسىنداعى ۇلتتىق ساياساتىمەن تانىستىرىلدى. وسى جەردە قازاقستان پرەزيدەنتى نۇرسۇلتان نازارباەۆتىڭ استانادا بۇۇ-نىڭ جانىنان «جاسىل» تەحنولوگيالار مەن ينۆەستيتسيالىق جوبالاردى دامىتۋ بويىنشا حالىقارالىق ورتالىق قۇرۋ جونىندەگى باستاماسى تۋرالى اقپارات ۇسىنىلدى. شارا سوڭىنان بولعان تال­قى­لاۋلار كەزىندە وعان قاتى­سۋشىلار «بولاشاقتىڭ ەنەرگياسى» تاقىرىبىندا ەكسپو-2017 حالىقارالىق مامانداندىرىلعان كورمەسىن وتكىزۋ – قازاقستاننىڭ ەنەرگەتيكا سالاسىندا جاھاندىق ۇيلەسىمدى ماقساتتارعا قول جەتكى­زۋگە قوساتىن ناقتى ۇلەسى بولاتىنىن اتاپ كورسەتتى. ساۋلەبەك ءبىرجان