قىتايدا ەسكى اۆتوبۋستار قوناق ۇيگە اينالدى

استانا. 7 ماۋسىم. قىتايدىڭ شانسي پروۆينتسياسىنىڭ اكىمشىلىك ورتالىعى تايۋان قالاسىنىڭ تۋريستىك ايماعىندا ونداعان ەسكى اۆتوبۋستار قوناق ۇيلەرگە اينالدى. بۇل تۋرالى ekd.me سايتىنا سىلتەمە جاساعان egemen.kz ءتىلشىسى حابارلادى. ەرەكشە قوناق ءۇي كەشەنى وسى جىلدىڭ باسىندا اشىلدى. «قولدانىستان شىعىپ قالعان اۆتوبۋستاردى ساتىپ الۋ وتە وڭاي. مەنىڭشە, ونى پايداعا جاراتا ءبىلۋ تاماشا ءادىس. ولاردىڭ ارقايسىسىندا بولمە, قوناقجاي بولمە, جۋىناتىن بولمە, سونىمەن قاتار جىلۋ, جارىق پەن سۋمەن قامتۋ جۇيەسى بار», – دەدى قالالىق تۋريستىك ۆەدومستۆو قىزمەتكەرى گاو يۋنپين. ونىڭ ايتۋىنشا, تۋريستىك ايماقتا وسىنداي  50 اۆتوبۋس-بولمە بار. ال ەسكى اۆتوبۋستى مەيمانحاناعا اينالدىرۋ ءۇشىن 9 مىڭ دوللار كولەمىندە قارجى كەتەدى ەكەن. وسى جىلدىڭ 1 شىلدەسىنە دەيىن وسىندايدىڭ 200-گە جۋىعىن اشۋدى ماقسات ەتىپ وتىر. ەڭ قىزىعى, الداعى ۋاقىتتا تراكتوردان, جۇك كولىكتەرىنەن, ءتىپتى ۇشاقتان جاسالعان قوناق بولمەلەر اشىلۋى مۇمكىن. ال مۇنداي نومىردە ءبىر رەت تۇنەۋ قۇنى 200-دەن 600 يۋانعا دەيىن. بۇل تەڭگەگە شاققاندا شامامەن 10 مىڭ – 30 مىڭ تەڭگەنى قۇرايدى. ايان ءابدۋالي. دەرەك, فوتو: inform.kz.