اقتوبەدە قاقتىعىستى ۇيىمداستىرۋشىلار بەلگىلى بولدى

استانا. 7 ماۋسىم. قازاقستاننىڭ قۇقىق قورعاۋ ورگانى 5 ماۋسىم كۇنى اقتوبە قالاسىندا قاقتىعىس ۇيىمداستىرعانداردىڭ ەسىمدەرىن جاريا ەتتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. اقتوبە وبلىسىنىڭ ىشكى ىستەر دەپارتامەنتى قازىرگى تاڭدا 8 ادامعا ىزدەۋ جاريالادى. ولاردىڭ اراسىندا 27 جاستاعى اقتوبە تۇرعىنى دميتري تاڭاتاروۆ, 25 جاستاعى ارسەن تاڭاتاروۆ, اقتوبە وبلىسى مۇعالجار اۋدانىنداعى ميحايلوۆكا ەلدى مەكەنىنىڭ 30 جاستاعى تۇرعىنى ايدوس جۇبانوۆ بار. پوليتسيا سونىمەن قاتار, قىزىلوردا وبلىسى سىرداريا اۋدانىنىڭ 32 جاستاعى تۇرعىنى باقىت قۋانىشباەۆقا, اقمولا وبلىسى ەسىل اۋدانىنىڭ تۇرعىنى 30 جاستاعى نۇرلان سەيىلوۆكە, اقتوبە وبلىسىنىڭ تۇرعىندارى الىبەك اقپانبەتوۆكە, ايدار باشيموۆكە جانە ارمان ايتۋعانعا ىزدەۋ سالدى. ايتا كەتەيىك, قارۋلانعان بەلگىسىز توپ وتكەن جەكسەنبى كۇنى اقتوبەدەگى قارۋ-جاراق ساتاتىن ەكى دۇكەن مەن اقتوبەنىڭ اسكەري بولىمىنە شابۋىل جاسادى. سالدارىنان التى ادام قازا تاۋىپ, 38 ادام دارىگەرلەردىڭ كومەگىنە جۇگىنگەن. قالادا وسىعان بايلانىستى انتيتەرروريستىك وپەراتسيا رەجىمى جاريالاندى. ناتيجەسىندە 13 ەكسترەميستىڭ كوزى جويىلدى. ايان ءابدۋالي. دەرەك, فوتو: ريا «نوۆوستي».