ءبىر وتباسىن قىلمىسكەرلەردەن قۇتقارعان پوليتسەي ماراپاتتالدى

قوستاناي. 7 ماۋسىم. قوستانايدىڭ تاران اۋدانىنىڭ بەرەگوۆوە سەلوسىندا ءبىر ءۇيلى جاندى قاسكويدىڭ قىلمىستىق ارەكەتىنەن اجىراتىپ العان ۋچاسكەلىك ينسپەكتور, پوليتسيا كاپيتانى ەرلان تاڭجارىقوۆ «ەرلىگى ءۇشىن» مەدالىمەن ماراپاتتالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وقيعا ۇستىمىزدەگى جىلدىڭ 29 اقپانى كۇنى ورىن الدى. سول كۇنى ەر ادامى جوق ىلعي ايەلدەر تۇراتىن وتباسىنا قاراقشىلىق شابۋىل جاساعان بۇزاقىنى وقيعا ۇستىندە ۇستاپ, اۋىلداستارىن ولىمنەن قۇتقارىپ قالدى. بۇعان دەيىن حابارلاعانىمىزداي, ول ءدال سول كۇنى ءولىم مەن ءومىردىڭ ورتاسىندا جاتقان بالىقشى مەن ونىڭ ايەلىن دە اجال تىرناعىنان امان العان ەدى. جاقىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ۋچاسكەلىك ينسپەكتورى ەرلان تاڭجارىقوۆتى «ەرلىگى ءۇشىن» مەدالىمەن ماراپاتتاۋ تۋرالى جارلىققا قول قويدى. ونى وبلىستىق ىشكى ىستەر دەپارتامەنتىنىڭ باستىعى, پوليتسيا پولكوۆنيگى بەكەت ايماعامبەتوۆ يەسىنە تابىس ەتتى. ءنازيرا جارىمبەتوۆا. دەرەك, فوتو: قوستاناي وبلىستىق ىشكى ىستەر دەپارتامەنتى ءباسپاسوز قىزمەتى.