اتباساردا ەلەكتر ۇنەمدەگىش شامدار شىعارىلۋدا

باسەكەلەستىك بەلەڭ العان نا­رىق جاع­دايىندا ءوندىرىستى ورگە باس­­تىرىپ, جاقسى تابىس تابۋ ءۇشىن جۇرتشىلىق سۇرانىسىن­دا­عى, ساپالى جانە باعاسى قول­جە­تىمدى ءونىم ءوندىرۋدى جولعا قويۋ كەرەك. نارىقتىڭ وسى تالابىن جاقسى بىلەتىن «تنك اگروفير­ماسى» وبلىستىڭ ءبىراز ءوڭىر­لەرىنەن ءوز قۇرىلىمدارىن اشىپ, يگى ىستەرىمەن كوزگە تۇسۋدە. ەلەڭ ەتكىزەر قادام رەتىندە سەرىك­تەس­تىكتىڭ وسىدان ەكى جىل بۇرىن مەن­شىككە العان اتباسار جوندەۋ-مەحا­نيكالىق زاۋىتىنىڭ اۋما­عىنان ەلەكتر ۇنەمدەگىش شامدار شىعاراتىن كاسىپورىندى ىسكە قوسقانىن ايتار ەدىك. «قازتەحنيكس» اتاۋىنداعى جا­ڭا كاسىپورىننىڭ باسشىسى دا­نيار ۋاليەۆ ءوندىرىس بارىسىمەن كەڭىنەن تانىستىردى. – بۇرىنعى جوندەۋ-مەحاني­كا­لىق زاۋىتىنىڭ تسەحى جاڭا كا­سىپورىنعا لايىقتاپ جاراق­تالعان, – دەيدى جاس باسشى. – ال­­عاشىندا ءبىز ەسكى قۇرىل­عىلار­مەن جۇمىس ىستەدىك. ءوت­كەن جى­لى وڭتۇستىك كو­رەيادان جاڭا جاب­دىقتار ساتىپ الىندى. جۇ­­­مىس­شىلارىمىز سانكت-پەتەر­بۋرگتەگى ارىپتەس كوم­پانيا زاۋى­تىمىزدا ۇيىم­داس­تىرعان كۋرس­تا وقىپ, كاسىبي بىلىك­تىلى­گىن ارتتىردى. ءبىز قازاق­ستاندىق جابدىقتاردى پايدا­لانۋعا دەن قويامىز. سونداي-اق, ين­تەگرا­تسيالىق جۇيەمەن رەسەيدەن جىلتىر مەتالل تاقتا­لار, كا­نا­دادان ورنەكتى پلاستيكتەر جەت­كىزىلۋدە. بۇگىندە زاۋىت ەلەكتر ۇنەم­دەگىش لامپالاردىڭ 24 ءتۇرىن جاسايدى. تاۋلىگىنە ۇلكەن شام­دار­دىڭ 320 داناسىن, كىشىگىرىم لامپالاردىڭ 450-ءىن قۇراستىرىپ شىعارادى. العاشىندا تەك تاپسىرىس بويىنشا جۇمىس ىستەگەن زا­ۋىت كەيىنگى ۋاقىتتا تولىق قۋاتىنا كوش­كەن. زاۋىت ىشىندە اۋماعى 3000 شارشى مەتردى قۇرايتىن دايىن ونىمدەردى ساقتايتىن قويما جابدىقتالعان. شىعارىلعان ءونىمدى ساتۋ ءما­سە­لەسى ونشالىقتى قيىندىق تۋ­عى­زىپ وتىرماعاندىعىن ايتىپ ءوتتى زاۋىت باسشىسى. استا­نا, ال­ماتى, ماڭعىستاۋدا ءبىر­قاتار ءىرى كومپانيالار كاسىپ­ورىن ونىمدەرىنە تاپسىرىس بە­رىپتى. سونداي-اق, جاقسى, ەسىل اۋداندارى اكىمدىكتەرىمەن شارت بويىنشا كوشەلەردى جا­رىق­تاندىراتىن لام­پالار ورناتى­لىپ بەرىلگەن. قازىرگى كۇنى زاۋىت باسشىلىعى كوك­شەتاۋ قالا­سى اكىمدىگىمەن كەلىس­سوز ءجۇر­گىزىپ جاتقان كورىنەدى. تاپ­­سى­رىس كولەمى انىقتالعان جاع­دايدا, وبلىس ورتالىعىنىڭ كوشە­لەرى جەرگىلىكتى ونىممەن تولىق قامتاماسىز ەتىلمەك. «قازتەحنيكس» جشس ءوز ءونىم­دەرىنە ءۇش جىلدىق كەپىلدىك بە­رەدى. ياعني, لامپا ءۇش جىل ءمۇل­تىكسىز جۇمىس جاساۋى ءتيىس. ولاي بولماعان جاعدايدا, نە جاڭا­­سىمەن اۋىستىرادى, بولماسا تەگىن جوندەپ بەرەدى. جالپى, زاۋىت شى­­عارعان ەلەكتر ۇنەمدەگىش لام­پا­لار 20 جىل جۇمىس ىستەيدى دەپ جو­بالانعان. وسىدان بولسا كە­رەك, جارىعى مول ءارى قۋات ۇنەم­دەگىش ونىمدەرگە سۇرانىس ارتىپ وتىر. باقبەرگەن امالبەك, «ەگەمەن قازاقستان» اقمولا وبلىسى, اتباسار اۋدانى