اقتوبەدەگى اتىس كەزىندە بارلىعى 21 ادام قازا تاپتى

استانا. 6 ماۋسىم. كەشە اقتوبەدەگى اتىس كەزىندە 21 ادامنىڭ قازا تاۋىپ, 38 ادامنىڭ ءارتۇرلى دەنە جاراقاتتارىن العانى بەلگىلى بولىپ وتىر. بۇل تۋرالى ىشكى ىستەر ءمينيسترىنىڭ مالىمدەمەسىنە سۇيەنگەن egemen.kz حابارلادى. Iشكi iستەر مينيسترi قالمۇحانبەت قاسىموۆتىڭ جۋرناليستەرگە بەرگەن مالىمەتى بويىنشا, اقتوبەدە تەراكت جاساعان قىلمىسكەرلەردiڭ 12-سiنiڭ كوزi جويىلىپ, 6-ى جاراقات العان. مينيستردiڭ ايتۋىنشا, بiرiنشi قارۋ دۇكەنiندەگi بەينەكامەرا ارقىلى 26 قىلمىسكەردىڭ بولعانى انىقتالعان. «قازiر بiز بارلىعىنىڭ اتى-ءجونiن بiلەمiز. تۇندە جۇمىس جاسادىق. قازiرگi ۋاقىتتا 12 قىلمىسكەردiڭ كوزi جويىلدى, 6-ى جاراقات الدى. ەندi قالعان 6-7 ادامدى iزدەپ جاتىرمىز. ولاردىڭ قولىندا 5 قارۋ قالدى», – دەپ حابارلادى مينيستر. جالپى, جەدەل-iزدەستiرۋ شارالارى بارىسىندا 11 قارۋ تاركiلەنگەن. سونىمەن قاتار قالمۇحانبەت قاسىموۆ 3 پوليتسەي, 3 اسكەري قىزمەتكەر جانە 3 بەيبiت ادام وققا ۇشقانىن جەتكىزدى. «بiرiنشi قارۋ دۇكەنiنiڭ ساتۋشىسى مەن وقيعا ورنىنا بiرiنشi بولىپ جەتكەن كۇزەت قىزمەتكەرi قازا تاپتى. ال ەكiنشi قارۋ دۇكەنiندە كەلگەن ادام پىشاق جاراقاتىنان مەرت بولدى. جالپى العاندا, 3 بەيبiت ادام كوز جۇمىپ, 2 ادام جارالاندى», – دەدi ول. مينيستر ءمالىم ەتكەندەي, بۇعان قوسا, كەشەگi قاقتىعىستا 3 پوليتسەي مەن اسكەري قازا تاپقان. «قىزمەتكەرلەر اراسىنداعى ءولiم-جiتiمگە توقتالساق, بiرiنشi قارۋ دۇكەنiنە كەلگەن 3 پوليتسەي وققا ۇشتى. تۇنگi ۋاقىتتا جۇرگiزiلگەن جەدەل-iزدەستiرۋ شارالارى بارىسىندا بiرلi-جارىم قىزمەتكەر جەڭiل جاراقات الدى. ال اسكەريلەر اراسىندا 3 ادام – بiر وفيتسەر, كەلiسiمشارت بويىنشا جانە مەرزiمدi قىزمەتتەگi 2 ادام, سونداي-اق, اسكەري ءبولiمنiڭ اۋماعىندا ءتۇرلi سەبەپپەن بولعان 6 ادام جارالاندى», – دەدi مينيستر. دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا اقتوبەدە 5 ماۋسىم كۇنى بولعان اتىس سالدارىنان 38 تۇرعىن زارداپ شەككەنىن ايتتى. «38 ادامعا مەديتسينالىق كومەك كورسەتىلدى. ەكەۋى قازا بولدى. 15 ادام جەڭىل جاراقاتتار الىپ, امبۋلاتوريالىق ەمگە باعىتتالدى. 20 ادام ەمحاناعا جاتقىزىلدى. ولاردىڭ 14-ىنە وتا جاسالىپ قويدى, تاعى ۇشەۋىنە ءالى وتا جاسالۋدا, توعىزىنىڭ جاعدايى اۋىر», – دەدى دۇيسەنوۆا دۇيسەنبى كۇنى ۇكىمەتتىڭ كەڭەيتىلگەن وتىرىسىندا. سونىمەن قاتار ىشكى ىستەر ءمينيسترى قالمۇحانبەت قاسىموۆ اقتوبەدەگى قارۋ-جاراق دۇكەنى مەن ۇلتتىق گۆارديانىڭ اسكەري بولىمىنە جاسالعان شابۋىلدىڭ تەرروريزم ەكەندىگىن دە اتاپ ءوتتى. «ءبىز مۇنىڭ تەرروريستىك اكت ەكەنىن مويىندايمىز. سوندىقتان دا زاڭعا سايكەس بۇل دەڭگەي ەنگىزىلدى. بارلىق كۇشتىك قۇرىلىمدار كۇشەيتىلگەن نۇسقاعا كوشىرىلدى. ءبىز بارلىق نىسانداردى كۇزەتۋگە كوشتىك. بۇل نۇسقاعا سايكەس بىرقاتار قوعامدىق, كوڭىل كوتەرۋ  ورىندارىنىڭ جۇمىستارى توقتاتىلدى», – دەدى ۇكىمەت وتىرىسى اياسىندا باق وكىلدەرىنىڭ ساۋالدارىنا جاۋاپ بەرگەن ول. ءمينيستردىڭ اتاپ وتۋىنشە, قازىرگى ۋاقىتتا اقتوبەدە ۇلتتىق قاۋىپسىزدىك كوميتەتى توراعاسىنىڭ ورىنباسارى باسقاراتىن شتاب جۇمىس ىستەيدى. سونىمەن قاتار مينيستر شتاب جۇمىسىنا جانە لاڭكەستىككە قارسى وپەراتسيالارعا قاجەتتى كۇش تە, قۇرال-جابدىق تا جەتكىلىكتى. «ءبىز كوپشىلىكتى جۇمىلدىرعان جوقپىز. ارنايى ماقساتتاعى بىرنەشە سارباز عانا قوسىلدى. ال جالپى اقتوبە ءوز كۇشىمەن دە تولىق ارەكەت ەتە الادى», – دەدى ول. ەسكە سالا كەتەيىك, كەشە اقتوبە ورتالىعىندا قارۋلانعان توپ اسكەري ءبولىم مەن قارۋ-جاراق ساتاتىن دۇكەنگە شابۋىل جاسادى. وسىدان سوڭ وبلىس اكىمى بەردىبەك ساپارباەۆ تۇرعىنداردى وتە ساق بولۋعا شاقىرىپ, انتيتەررورلىق وپەراتسيالاردىڭ جالعاسىپ جاتقانىن جەتكىزدى. قازاقستاننىڭ ىشكى ىستەر مينيسترلىگى اقتوبەدە بولعان وقيعاعا راديكالدى ءدىني باعىتتاعى توپتاردىڭ قاتىسى بار ەكەنىن راستادى. تالعات رايىمبەك. دەرەك, فوتو: ىشكى ىستەر مينيسترلىگىنىڭ ءباسپاسوز قىزمەتى.