ەلشىمەن ەكىجاقتى اڭگىمە

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ ءيزرايلدىڭ قازاقستانداعى ەلشىسى ميحاەل برودسكيدى قابىلدادى. كەزدەسۋ بارىسىندا تاراپتار ەكىجاقتى ىنتىماقتاستىقتىڭ اعىمداعى ماسەلەلەرىن, سونداي-اق, ءوزارا ءىس-قيمىلدىڭ ساياسي, ەكونوميكالىق, الەۋمەتتىك جانە باسقا دا سالالارىندا قاتىناستاردىڭ دامۋ كەلەشەگىن تالقىلادى. ە.ىدىرىسوۆ ەكى ەل ارا­سىنداعى ساۋدا-ەكونوميكالىق ءارىپ­تەستىكتى دامىتۋدىڭ ماڭىز­دىلىعىن اتاي وتىرىپ, اۋىل شارۋاشىلىعى سالاسىنداعى ءوزارا ءتيىمدى ىنتىماقتاستىقتى بەلسەندى دامىتۋدى ۇسىندى. وسى ورايدا, سىرتقى ساياسات ۆەدومستۆوسىنىڭ باسشىسى «ۇشقوڭىر» ءبىلىم تاراتۋ ورتالىعىنىڭ نەگىزىندە 2015 جىلعى مامىردا الماتى وبلىسىندا قۇرىلعان تامشىلاتىپ سۋارۋ تەحنولوگياسىن كورسەتەتىن دەمونستراتسيالىق الاڭ وسى سالاداعى تابىستى ىنتىماقتاستىقتىڭ جارقىن مىسالى بولىپ تابىلاتىنىن اتاپ ءوتتى. تامشىلاتىپ سۋارۋ تەحنولوگياسىن دامىتۋدا حالىقارالىق ىنتىماقتاستىقتى دامىتۋ بويىنشا يزرايلدىك «ماشاۆ» اگەنتتىگى مەن «كاز­اگرو­يننوۆاتسيا» اق اراسىن­داعى بىرلەسكەن جوبانىڭ تەك قازاقستاننىڭ عانا ەمەس, سونداي-اق, ورتالىق ازيانىڭ باسقا دا ەلدەرىنىڭ اگرارلىق قىزمەتكەرلەرى ءۇشىن ماڭىزدى نىسانا بولۋى مۇمكىن. م.برودسكي ءيزرايلدىڭ يننو­­ۆا­تسيالىق جەتىستىكتەرى استانا­دا وتەتىن ەكسپو-2017 حا­لىق­ارا­لىق مامان­دان­دى­رىلعان كورمە­سىن­دە كەڭىنەن ۇسىنى­لاتىنىن اتادى. سىرتقى ساياسات ۆەدومستۆو­سىنىڭ باسشىسى ەكى ەلدىڭ ازاماتتارى ءۇشىن ۆيزانىڭ كۇشىن جويۋ تۋرالى ەكىجاقتى كەلىسىمدى قابىلداۋعا قازاقستاننىڭ دايىن ەكەنىن ايتتى جانە وسىنداي كەلىسىم ساۋدا, يننوۆاتسيا مەن تۋريزم سالالارىندا ىنتىماقتاستىقتى دامىتۋعا سەرپىن بەرەتىنىن اتاپ كورسەتتى. «ەگەمەن-اقپارات»