قوعام دەرتىن قوزعاعان قويىلىم

استانا قالاسى اكىمدىگىنىڭ قول­داۋى­مەن جاستار تەاترى دراماتۋرگ سايا قاسىمبەكتىڭ «تەكسىزدەر» پەساسىنىڭ نەگىزىندە قويىلعان «ليفت» پسيحولوگيالىق دراماسىنىڭ پرەمەراسىن وتكىزدى. ءبىزدىڭ زاماندا ادامنىڭ قۇنى قانشا تۇرادى؟ ءتۇبى قايدان شىق­قانىن بىلمەيتىن «تەكسىزدەر ارمياسىن» ۇلعايتىپ جاتقان كىمدەر؟ بۇگىنگى قوعامنىڭ ەڭ ۇلكەن ءھام اسا قاستەرلى دەرتى – جەتىم بالا, تاستاندى ۇرپاق پەن تامىر تەكسىزدەنۋىنىڭ  نەگىزگى تۇيتكىلدەرىنە پسيحولوگيالىق تۇرعىدان تەرەڭ تالداۋ جاسايتىن قويىلىم, كورەرمەن كوكەيىندەگى كەزەك كۇتتىرمەيتىن وسىنداي وزەكتى ماسەلەلەرگە جاۋاپ ىزدەيدى. ءومىردىڭ اششى اقيقاتىن ونەر ارقىلى جاس ۇرپاق ساناسىنا سىڭىرۋگە تالپىنادى. قويىلىمدى تاماشالاعان ادام اۆتور ماقساتىنىڭ دىتتەگەن مەجەسىنە جەتكەنىن بايقايدى. تار ءليفتىڭ ىشىندە تالاي تاعدىر مەن سان ءتۇرلى مىنەزدىڭ بەينەسىن بەرەدى. سابىرسىزدىق. قورقىنىش. جۇيكەسى توزعان ادامدار. وسىنىڭ بارلىعى الەۋمەتتىك پروبلەمالاردىڭ كوپ­تىگىنەن ەكەنىن كورۋگە بولادى. ال­عاشىندا ساناماق ويناعان قىزدىڭ ويىنىنىڭ استارىندا نە جاتقانىن تۇسىنبەدىك. كورە كەلە ول ويىندى تاعدىردىڭ ءوزى ۇيرەتكەنىنە كوزىمىز جەتتى. «ءبىز كوبىنە كورەرمەنگە ايتار ويى بار دۇنيەلەردى ىزدەيمىز. سول تۇرعىدان كەلگەندە, سايا قاسىمبەكتىڭ وسى تۋىندىسى كوپشىلىكتىڭ كو­ڭىلىنەن شىعادى دەپ ويلايمىن. سەبەبى, مۇندا بالا تاعدىرى, ونىڭ ارتىندا تۇرعان ۇرپاق تاعدىرى كەڭىنەن كەلتىرىلگەن. وسى قويىلىم جاھاندانۋ كەزەڭىندە ءوزىمىزدىڭ كىم ەكەنىمىزدى جوعالتىپ الماۋعا ءۇن­دەيدى», – دەدى قويىلىم رەجيسسەرى, قازاقستاننىڭ ەڭبەك سىڭىرگەن قاي­راتكەرى بەكبولات قۇرمانعوجاەۆ. راۋان قايدار, «ەگەمەن قازاقستان»