ءان بايقاۋى مارەگە جەتتى

ەلورداداعى وقۋشىلار سارايىندا 1 ماۋسىم – بالالاردى قورعاۋدىڭ حالىقارالىق كۇنىنە ءارى «شالقار» ۇلتتىق راديوسىنىڭ – 50, قازاق راديوسىنىڭ – 95 جانە ەل تاۋەلسىزدىگىنىڭ 25 جىلدىعىنا وراي بالالار اراسىندا ۇيىمداستىرىلعان «شالقار ءانىم» اتتى رەسپۋبليكالىق ءان بايقاۋىنىڭ قورىتىندىسى جاريالاندى. ءبىر ايدان استام ۋاقىت ىشىندە كوركەمدىك كەڭەستىڭ قاراۋىنا 5-12 جاس ارالىعىنداعى بالالاردان 50-گە جۋىق جۇمىس كەلىپ ءتۇستى. ولاردىڭ اراسىنان قورىتىندى كەزەڭگە 15 قاتىسۋشى ىرىكتەپ الىندى. مەرەيتويلىق شارادا ونەر كورسەتكەن تانىمال انشىلەر اراسىندا التىناي جوراباەۆا, مارجان اراپباەۆا, ديماش قۇدايبەرگەن, ايساۋلە بەيسەنحان جانە اعايىندى جۇگىنىسوۆتەر بار. كونتسەرتتە بۇلدىرشىندەر ەلىمىزدىڭ ەسترادا ونەرپازدارىمەن قوسىلىپ ءان شىرقادى. قورىتىندى ناتيجەسىندە, بايقاۋدىڭ باس جۇلدەسىن ەلور­دالىق ۇمىتكەر قاب­دىل نۇ­رايىم يەلەندى. جەڭىم­پازعا جۇلدەنى «ادەمى-اي» كومپا­نياسىنىڭ ديرەكتورى باحارگۇل تولەگەنقىزى تابىستادى. ءى ورىن حالىق ءانى «ءحالاۋلىمدى» ورىنداپ, كوپشىلىك ىقىلاسىنا بولەنگەن استانا قالاسىنىڭ كىشكەنتاي تۇرعىنى ايارۋ راحاتقا بۇيىردى. ءىى ورىندى ماعجان جۇماباەۆتىڭ سوزىنە جازىلعان كاكىم ەردىباەۆتىڭ «سۇر ق ۇلىن» انىمەن ەلورداداعى №54 مەكتەپ-ليتسەيىنىڭ وقۋشىسى ايدىن مادەتحان جەڭىپ الدى. جەڭىمپازعا ماراپاتتى قازاق راديوسى ديرەكتورىنىڭ ورىنباسارى – «شالقار» راديوسىنىڭ ديرەكتورى بولاتبەك تولەپبەرگەن تابىس ەتتى. سونداي-اق, تالانتتى بالدىرعاندار اراسىنان ءۇش بىردەي ءىىى ورىن يەگەرى انىقتالدى. ولار: استانالىق ۇمىتكەر ايشا ەرلان, ەميل ءجانادىلوۆ جانە باتىس قازاقستان وبلىسىنان كەلگەن الىشەر سۇندەتوۆ. ال ءىىى دارەجەلى ديپلوم استانالىق تولعاناي ەسىلبايعا بەرىلدى.  جۇلدەگەرلەرگە ماراپاتتى قازاق راديوسى باعدارلامالار ءبولىمىنىڭ باسشىسى وڭعاربەك قۇرالوۆ, «شالقار» راديوسىنىڭ باس رەداكتورى سەرىك سەيىتمان جانە «باق وردا» كومپانياسىنىڭ ديرەكتورى ءمادي ماناتبەك تاپسىردى. بايقاۋدىڭ وزگە قاتىسۋشىلارى ءى, ءىى, ءىىى دارەجەلى ديپلوم جانە باعالى سىيلىقتارمەن ماراپاتتالدى. شارا سوڭىندا بۇلدىرشىندەرگە ار­نايى ازىرلەنگەن ءتاتتى تورت ۇلەس­تى­رىلدى. كەشتى «شالقار» راديو­سى­نىڭ جۋرناليستەرى مۇحتار تۇر­تاي ۇلى مەن باعداگۇل راحمەتقىزى جۇرگىزدى. جايماشۋاق جاز ايىمەن جارىسا كەلگەن بۇل مەرەكە بالعىن بالالاردىڭ قيالىنا قانات بىتىرگەندەي بولدى. راۋشان سۇلەيمەنوۆا, «ەگەمەن قازاقستان»