بالا جۇزىنەن كۇلكى كەتپەسىن

قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا حالىقارالىق بالالاردى قورعاۋ كۇنىن مەرەكەلەۋگە ارنالعان ءىس-شارالارعا قاتىستى, دەپ حابارلادى پرەزيدەنتتىڭ ءباسپاسوز قىزمەتى گ.ابدىقالىقوۆا استانا قا­لاسىنىڭ «استانالىق» سايا­باعىندا وتكەن «قوش كەلدىڭ, جاز!» اتتى بالالار ويىن-ساۋىق باعدارلاماسىن تاماشالادى. مەملەكەتتىك حاتشى بالالارىمىزدىڭ باقىتتى بالالىق شاعى, جاقسى ءبىلىم الۋى, دەنساۋلىقتارىنىڭ مىقتى بو­لۋى, ۇلكەندەردىڭ ىقىلاسى مەن قامقورلىعىنا بولەنۋى ءۇشىن قازاقستان پرەزيدەنتى تاۋەل­سىز­دىكتىڭ العاشقى كۇندەرىنەن باستاپ بارلىق جاعدايدى جاساپ كەلە جاتقاندىعىن ايتتى. تاۋەلسىزدىكتىڭ 25 جىلى ىشىندە قازاقستان ەلەۋلى جەتىستىكتەرگە قول جەتكىزدى. زاماناۋي مەكتەپتەر, بالاباقشالار, اۋرۋحانالار, سپورت­تىق عيماراتتار, بالالار الاڭدارى سا­لىنۋدا, قايىرىم­دى­لىق قورلارى مەن وزگە دە ۇيىمدار قىز­مەت ات­قارۋدا. مىسالى, ءبۇ­گىندە اس­تا­نادا 40 مىڭعا جۋىق ءبۇل­دىرشىن بالا­باق­شاعا بارىپ, 117 مىڭنان استام وقۋشى ءبىلىم الۋدا. بۇدان كەيىن مەملەكەتتىك حاتشى شىعارماشىلىق ۇيىرمەلەرىنىڭ جۇمىسىمەن تانىسىپ, «ءبىز ۇزدىكتى تاڭدايمىز!» اتتى بالالار سۋرەتتەرىنىڭ كورمەسىندە, «شەبەر قولدار» شەبەرحاناسىندا, سونىمەن قاتار زياتكەرلىك جانە سپورتتىق ويىندار الاڭدارىندا بولدى. سول كۇنى گ.ابدىقالىقوۆا «قا­زاق­ستان» ورتالىق كونتسەرت زالىندا بالالارعا ارنالعان «Bi جۇلدىزاي», «تاڭ شولپان» جانە «بالا داۋىسى» رەسپۋبليكالىق كونكۋرستار جەڭىمپازدارىنىڭ قاتىسۋىمەن وتكەن «ءبىز – ۇلى دالا ەلىنىڭ ۇرپاقتارىمىز!» اتتى گالا-كونتسەرتكە قاتىستى. مەملەكەتتىك حاتشى ەگەمەن قا­زاقستاننىڭ العاشقى قادام­دارىنىڭ ءبىرى بالالاردىڭ قۇقىق­تارىن قورعاۋدى قامتاماسىز ەتۋمەن بايلانىستى ەكەندىگىن اتاپ ءوتتى. 1994 جىلى قازاقستان بۇۇ-نىڭ «بالانىڭ قۇقىقتارى تۋرالى» كونۆەنتسياسىن راتيفيكاتسيالادى. بۇل كونۆەنتسياعا قوسىلۋ مەملەكەتتىڭ الەم قاۋىمداستىعىنىڭ وسكەلەڭ ۇرپاقتىڭ قۇقىقتارىن قورعاۋ سا­لاسىنداعى نەگىزگى قۇجاتتارى تالاپتارىنا ادالدىعىن پاش ەتتى. تاۋەلسىزدىكتىڭ 25 جىلى ىشىندە قازاقستان ادام قۇقىقتارىنا قاتىس­تى 60-قا جۋىق حالىقارالىق قۇجات­تى راتيفيكاتسيالادى, ولار­دىڭ 15-تەن استامى ماقساتتى تۇردە بالالار قۇقىقتارىن قورعايدى. قازاقستاندا حالىقارالىق ستان­دارتتارعا ساي ينستيتۋتسيونالدى جانە زاڭنامالىق دەڭگەيدە بالالار قۇقىقتارىن قورعاۋدىڭ ۇلتتىق مودەلى قالىپتاستى. ەل باسشىلىعىنىڭ ساياسي ەرىك-جىگەرى مەن بالالار قۇقىقتارىن قورعاۋ جانە قامتاماسىز ەتۋ ىسىندەگى مەملەكەتتىك سىندارلى ساياساتتىڭ ايشىقتى بەلگىسى بولىپ تابىلاتىن بالا قۇقىقتارى جونىندەگى ۋاكىل ينستيتۋتى قۇرىلدى. گ.ابدىقالىقوۆا بالالاردىڭ اسەمدىك, شىعارماشىلىق جانە جاسامپازدىق الەمىندە ءومىر ءسۇ­رۋىنە بارلىق جاعداي جاسالۋى قاجەت ەكەنىن اتاپ ءوتتى. مەم­لەكەتتىك حاتشى: «بالالارىمىزدى تاربيەلەي وتىرىپ, ءبىز مەم­لە­كە­تى­مىزدىڭ بولاشاق الەۋەتىن قالىپ­تاستىرامىز, ولار ەلدىڭ دامۋىنا اتسالىسىپ, وتانىمىزدىڭ تابىس­تارى مەن جەتىستىكتەرىن ارتتىرا­تىن بولادى», – دەدى. ءسوزىنىڭ سوڭىندا مەملەكەتتىك حاتشى بالالاردىڭ قۇقىقتارىن قورعاۋ ماسەلەلەرىندە بيلىكتىڭ بارلىق تارماقتارىن, ازاماتتىق قوعام مەن ۇكىمەتتىك ەمەس جانە حا­لىق­ارالىق ۇيىمداردى ءوزارا تىعىز بايلانىستا بولۋعا شاقىردى. استاناداعى حالىقارالىق بالالاردى قورعاۋ كۇنىنە ارنالعان نەگىزگى مەرەكەلىك ءىس-شارالار «اس­تانالىق» جانە ستۋدەنتەر سايا­باقتارىندا, قارجى مينيسترلىگى مەن وقۋشىلار سارايى الدىنداعى الاڭداردا ءوتتى. مەرەكە كۇنى ەلىمىزدىڭ بارلىق وڭىرلەرىندەگى ورتالىق الاڭدار, ستاديوندار, ساياباقتار, سارايلار مەن ويىن-ساۋىق كەشەندەرى بالالارعا جانە ولاردىڭ اتا-انالارىنا ەسىكتەرىن ايقارا اشتى.