قاراعاندىدا «جاسىل ەل» جاستاردى جۇمىسقا شاقىرادى

قاراعاندى. 1 ماۋسىم. «جاسىل ەل» جوباسى قاراعاندىلىق ستۋدەنت جاستاردى جاز ايلارىندا ەڭبەك ەتىپ, تابىس تابۋعا شاقىرىپ وتىر. ۇيىمداستىرۋشىلاردىڭ ايتۋىنشا, جۇمىس ىستەگەن ءار ادامعا اي سايىن 35-40 مىڭ تەڭگەدەن جالاقى تولەنەدى. وعان قوسا, ماۋسىمدىق ەڭبەككەرلەر ارنايى كيىممەن, قۇرال-سايماندارمەن قامتاماسىز ەتىلەدى. بۇل تۋرالى egemen.kz ءتىلشىسى حابارلادى. وبلىستىق شتابتىڭ جەتەكشىسى نۇرگەلدى ومارحانوۆتىڭ ايتۋىنشا, قازىر 16 جاستان اسقان جاستاردى جۇمىسقا تارتۋ شارالارى ءجۇرىپ جاتىر. جۇمىسقا, اسىرەسە, ءتارتىبى قيىن جاسوسپىرىمدەردى الۋ, ياعني ولاردىڭ بوس ۋاقىتىن پايدالى ەڭبەكپەن الماستىرۋ كوزدەلىپ وتىر. بيىلعى ماۋسىمدا «جاسىل ەل» قاراعاندىنىڭ وزىندە 250 جاستى جۇمىسپەن قامتيدى. ولاردىڭ ءبارى الاتىن جالاقىسىن ادال ءارى ساپالى ەڭبەك ەتىپ, ماڭداي تەرىمەن تابۋعا مىندەتتى. بۇل ورايدا قاتاڭ قاداعالاۋ جاسالادى. تۇلكىبۇلاڭعا سالىپ, اۋىردىڭ ءۇستى, جەڭىلدىڭ استىمەن جۇرگىسى كەلگەندەرگە تيىسىنشە شارا قولدانىلىپ, جالاقىسى قيىلۋى مۇمكىن. ايتا كەتەيىك, «جاسىل ەل» جوباسى قولعا الىنعان ون جىلدان استام ۋاقىت ىشىندە قاراعاندىدا 12 مىڭعا جۋىق ادام جۇمىسپەن قامتىلعان. وسى ارالىقتا ولار 300 مىڭنان استام اعاش وتىرعىزىپ, 2,5 گەكتار جەردى وڭدەگەن. «جاسىل ەل» ەڭبەككەرلەرى, سونىمەن قاتار, ارامشوپتەر ج ۇلىپ, وسىمدىكتەردى سۋارۋ جۇمىستارىن دا جۇرگىزەدى. الەۋمەتتىك جوبانىڭ اياسىندا جاستار سوعىس جانە ەڭبەك ارداگەرلەرىنىڭ ءۇي شارۋاسىنا كومەكتەسىپ, قولعابىس جاسايدى. قايرات ءابىلدينوۆ. دەرەك: egemen.kz. فوتو: bnews.kz.