ەلىمىزدىڭ كەيبىر ايماقتارىندا جەل كۇشەيىپ, جاڭبىر جاۋادى

استانا. 1 ماۋسىم. قازاقستان اۋماعىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە جاڭبىر جاۋىپ, نايزاعاي بولادى. جەلدىڭ كۇشەيۋى كۇتىلەدى, شىعىستا بۇرشاق جاۋى ىقتيمال. تەك رەسپۋبليكانىڭ سولتۇستىك-باتىسىندا جاۋىن-شاشىنسىز بولادى.بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. سينوپتيكتەردىڭ حابارلاۋىنشا, شىعىس قازاقستان وبلىسىنىڭ كەي جەرلەرىندە جەل 15-20 م/س-گە كۇشەيەدى, كۇندىز بۇرشاق بولۋى ىقتيمال. الماتى, جامبىل, ماڭعىستاۋ, اتىراۋ وبلىستارىنىڭ كەيبىر جەرلەرىندە نايزاعاي كەزىندە جەل 15-20 م/س-گە كۇشەيەدى. باتىس قازاقستان, اقتوبە, كۇندىز قوستاناي, قىزىلوردا, وڭتۇستىك قازاقستان وبلىستارىنجا جەلدىڭ جىلدامدىعى 15-20 م/س-گە بارادى. سولتۇستىك قازاقستان, قاراعاندى وبلىستارىنىڭ كەي جەرلەرىندە تۇمان كۇتىلەدى, جەل 15-20 م/س-گە سوعادى. سونىمەن قاتار, پاۆلودار, اقمولا وبلىستارىنىڭ كەي جەرلەرىندە تۇمان كۇتىلەدى. اقمولا, قوستاناي, سولتۇستىك قازاقستان وبلىستارىنىڭ كەي جەرلەرىندە 3 گرادۋسقا دەيىن ۇسىك جۇرەدى. ال قىزىلوردا وبلىسىنىڭ اۋماعىندا وتە جوعارى ءورت قاۋىپى كۇتىلەدى. تالعات رايىمبەك. دەرەك: inform.kz. فوتو: el.kz.