مال دارىگەرى تارتىپتىك جازاعا تارتىلدى

مامىر ايىنىڭ 17-ءسى كۇنى «ەگە­مەندە» «بابى كەلمەگەن باعدارلاما» دەگەن ماقالا جاريالاندى. سىن ماقا­لادا لەبياجى اۋدانىنداعى «جاي­لاۋ» باعدارلاماسىمەن الىنعان 100 قويدىڭ اۋرۋعا ۇشىراعانىن, قوي يەسى ە.بولەكباەۆتىڭ نە قوي جوق, نە جايلاۋ جوق, شاراسىز كۇيدە قال­عانىن جازعان بولاتىنبىز. اۋدان اكىمى سەرىك جانعازينوۆتىڭ جاۋابىن ءبىز كەزىندە گازەتتە جاريالاعانبىز. ەندى لەبياجى اۋدانى پرو­كۋرا­تۋراسىنىڭ حابارىن جاريالاۋدى ءجون كوردىك. وندا بىلاي دەلىنگەن: «2016 جىلدىڭ ناۋرىز ايىندا الدىن الۋ شارالارىن ىسكە اسىرۋ بارىسىندا ە.بولەكباەۆتىڭ شارۋاشىلىعىندا برۋتسەللەز اۋرۋى بار دەگەن كۇدىكپەن 60 باس ۇساق مال انىقتالعانىن جازادى. ورىن العان فاكتى بويىنشا اۋداننىڭ ۋاكىلەتتى ورگاندارى اۋرۋ وشاعىن شەكتەۋ ءۇشىن ءشامشى اۋىلىنىڭ اۋماعىندا كارانتين جاريا­لاۋ بويىنشا ءىس-شارالار قابىلدادى. برۋتسەللەز اۋرۋىنا شالدىققان 60 باس ۇساق مال ەت وندىرەتىن كومبيناتقا تاپسى­رىلدى. وسى جاعدايعا بايلانىستى, ءوزىنىڭ قىزمەتتىك مىندەتتەرىن ءتيىستى دارەجەدە ورىنداماعانى, ە.بولەك­باەۆتىڭ شارۋاشىلىعىنداعى ۇساق مالدى تولىق يدەنتيفيكاتسياسىن وتكىزبەگەنى ءۇشىن قىزىلاسكەر ۆەتەرينارلىق پۋنكتىنىڭ مەڭگەرۋشىسى شاكۋ بايگوزين تارتىپتىك جازاعا تارتىلدى». فاريدا بىقاي, «ەگەمەن قازاقستان» پاۆلودار وبلىسى