اقتوبەدەگى الىپ دومبىرا

قالانىڭ ءسانىن كەلتىرىپ تۇر قالادا قازىر كوپتەگەن جاڭا ەسكەرتكىشتەر بوي تۇزەۋدە. الايدا, ول مۋزىكالىق اسپاپقا العاش رەت ورناتىلىپ وتىر. مۇنداي ەسكەرتكىش بۇدان ءبىر جىل بۇرىن ورناتىلۋى كەرەك ەكەن. بىراق ونى مەتالدان جاسايتىن شەبەر جۋىق ارادا تابىلا قويماعان. تابىلعاننان كەيىن ءبىرشاما ۋاقىت كەلىسسوزدەر جۇرگىزىلگەن. ۇستا قۋاتبەك ەس­جانوۆ كوپكە دەيىن بۇعان كەلىسىمىن بەرمەگەن. شەبەر قولىم­نان كەلە مە, كەلمەي مە دەپ ءبىراز تولقىعان سىڭايلى. كوڭىلىنە سەنىمدىلىك ورناپ, تاۋەكەلگە بەل بۋعان شەبەر ءۇش ايدا وسى اسەم ەسكەرتكىشتى جاساپ شىعاردى. تەمىردەن قۇيىلعان دومبىرا ەسكەرتكىشى اقتوبە قالاسىنىڭ 147 جىل­دىعى قارساڭىندا اشىلدى. تەمىردەن ءتۇيىن تۇيگەن شەبەر ونىڭ بىرنەشە نۇسقاسىن جاساعان. تۇپتەپ كەلگەندە, سوڭعى نۇسقاسى قابىلدانىپتى. ەسكەرتكىشتىڭ بيىكتىگى – 6,30 مەتر, ەنى – 1,40 مەتر, شاناعى – 2,5 مەتر, ال موينى 4 مەتر شاماسىندا. دومبىرا ەسكەرتكىشى 12 پەرنە, قوس ىشەكتى بولىپ كەلەدى. دومبىرانىڭ ۇكىسىنە دەيىن ۇمىت قالماعان. ەسكەرتكىش اۆتورى قۋاتبەك ەسجانوۆتىڭ ايتۋىنشا, مۋزى­كالىق اسپاپتىڭ بارلىق زاڭ­دىلىقتارى ساقتالعان. وسىن­داي ەسكەرتكىشتەر ارقىلى جاس­تاردىڭ جۇرەگىنە ۇلتتىق قۇن­دىلىقتارىمىزدى قاستەرلەۋ قا­سيەتتەرى سىڭىرىلەتىنى دە ءسوزسىز. ساتىبالدى ءساۋىرباي, «ەگەمەن قازاقستان» اقتوبە وبلىسى