سەرىكتەستىك دەڭگەيى جوعارى

ءماجىلىس توراعاسى باقتىقوجا ىزمۇحامبەتوۆ استاناعا «دىندەر تەرروريزمگە قارسى» حالىقارالىق فورۋمىنا قاتىسۋ ءۇشىن ارنايى كەلگەن بىرىككەن اراب امىرلىكتەرى فەدەرالدىق ۇلتتىق مەدجليسىنىڭ ءتورايىمى ءامال ابداللا ءال-كۋبەيسي باستاعان دەلەگاتسيامەن كەزدەستى. ەڭ اۋەلى ەكى جاق كۇللى مۇسىل­مان­داردىڭ قاسيەتتى رامازان ايى­نىڭ جاقىنداپ قالۋىنا بايلا­نىستى ءبىر-بىرىنە ىستىق ىقىلاس­تارىن جەتكىزدى. كەزدەسۋ يەلەرى­نىڭ ايتۋىنشا, قازاقستان مەن ءبى­رىك­كەن اراب امىرلىكتەرى پرەزيدەنت­تەرىنىڭ اراسىندا تاريحي تامىر­لاستىق, تۋىسقاندىق دەڭگەيدە باس­تالعان قارىم-قاتىناس  جىل سايىن تەرەڭدەپ, بۇگىنگى كۇنى ستراتە­گيا­لىق ارىپتەستىك دەڭگەيىنە جەتكەن. جۇزدەسۋ بارىسىندا تاراپتار بارلىق سالا بويىنشا ەكى مەملەكەت اراسىنداعى ىنتىماقتاستىقتىڭ وزەكتى ماسەلەلەرىن تالقىلادى. ب.ىزمۇحامبەتوۆ پەن ءال-كۋبەيسي, اسىرەسە, لاڭكەستىككە قارسى كۇرەس ماسەلەسىنە ايرىقشا نازار اۋداردى. وسى ورايدا ءماجىلىس توراعاسى قازاقستان پرەزيدەنتىنىڭ ەكسترەميزم مەن لاڭكەستىككە قارسى حالىقارالىق باستامالارىن العا تارتا وتىرىپ, «دىندەر تەرروريزمگە قارسى» فورۋمىنىڭ وسى سالادا كۇش بىرىكتىرۋ جولىنداعى ماڭىزدىلىعىن اتاپ ءوتتى. ءوز كەزەگىندە ءال-كۋبەيسي دە اتال­عان فورۋمنىڭ ساياسات پەن ءدىن وكىلدەرىن ءبىر ارناعا توعىستىر­عانىن, پرەزيدەنت نۇرسۇلتان نازارباەۆ پەن قازاقستاننىڭ وسى باعىتتاعى باتىل قادامدارىنا العىس بىلدىرەتىنىن جانە بارلىق باس­تامالاردى قولدايتىنىن جەت­كىزدى. مەيماننىڭ اتاپ وتكەنىندەي, الەم­دىك بەيبىت ءومىر جانە ىنتى­ماق­­تاستىق جولىندا ءباا مەن قا­زاق­ستاننىڭ ۇستانىمى ءبىر, ماق­سا­تى ايقىن. كەزدەسۋ يەلەرى ەكى ەل ارا­سىن­داعى ساياسي, مادەني, الەۋمەتتىك ماسە­لەلەردى ءسوز ەتە كەلىپ, ەكونو­ميكا­لىق بايلانىسقا ەرەكشە كوڭىل ءبولدى. بۇل رەتتە سپيكەرلەر استانادا سالىنىپ جاتقان «ابۋ دابي پلازا» كەشەنىنىڭ قۇرى­لىسىن, باسقا دا ءىرى ينۆەستيتسيالىق جو­بالاردى  العا تارتتى. ب.ىزمۇحامبەتوۆ جالپى قازاق­ستاننىڭ تاۋار اينالىمىندا پارسى شىعاناعى بويىنشا ءباا-ءنىڭ العاشقى ورىندا ەكەنىن جەتكىزسە, ءال-كۋبەيسي سوڭعى 15 جىل ىشىندە قازاقستانعا قۇيىلعان ينۆەستيتسيا كولەمىنىڭ 1,5 ملرد. دوللاردان اسقانىن اتاپ ءوتتى. كەزدەسۋ كەزىندە پارلامەنتارالىق قارىم-قاتىناستى نىعايتۋ جايىنا باسا نازار اۋدارىلىپ, ب.ىزمۇحامبەتوۆ پەن ءا. ءال-كۋبەيسي زاڭ شىعارۋشى ورگاندار اراسىنداعى دوستىق پەن ىنتىماقتاستىق جونىندەگى توپتاردىڭ بارلىق سالادا ىقپال­داستىقتى تەرەڭدەتۋگە بارىنشا ىقپال ەتەتىنىنە سەنىم ءبىلدىردى. كەزدەسۋ سوڭىندا ءال-كۋبەيسي ب.ىزمۇحامبەتوۆتى ءوز ەلدەرىنە رەسمي ساپارمەن كەلۋگە شاقىردى.