لاڭكەستىكتىڭ ۇلت پەن دىنگە قاتىسى جوق

اسا قامقور ەرەكشە مەيىرىمدى اللانىڭ اتىمەن باستايمىن! تاريحى تەرەڭدە جاتقان قازاق ەلى ەشقاشان دۇنيەجۇزىندەگى ءدۇ­بىرلى وقيعالاردان تىس قالىپ كور­گەن ەمەس. كونە زاماننان بەرى ءبىزدىڭ كەڭ-بايتاق دالامىز ارقى­لى, ياعني ۇلى جىبەك جولىمەن تەڭ-تەڭ جۇگى بار كەرۋەندەر وتەتىن. جىبەك جولى, ءوز كەزەگىندە, ەكونو­ميكانىڭ قارقىندى دامۋىن, مادە­نيەتارالىق ۇنقاتىسۋ مەن ءدىن­ارالىق ءوزارا ارەكەتتەستىكتىڭ ورنى­عۋىن, حالقىمىزدىڭ مادە­نيەتى مەن رۋحاني مۇراسىنىڭ وزىنە ءتان قاي­تالانباس سيپاتتا دامۋىن قام­تاماسىز ەتتى. جىبەك جولى بويىندا ورنالاسقان قالالاردا مەشىتتەر, شىركەۋلەر مەن عيباداتحانالار قاتار ورنالاستى. وسى رەتتە, ءبىز­دىڭ حالقى­مىزدىڭ يسلام ءدىنىن قابىل­داۋ ارقىلى ءوزىنىڭ سانالى تاڭ­داۋىن جاساعانىن ايتا كەتۋ كەرەك. ادامزات جاڭا مىڭجىلدىققا اياق باسقاننان بەرگى ۋاقىتتا كۇردەلى الەۋمەتتىك سىن-تەگەۋ­رىن­دەرگە, پروبلەمالارعا جانە قاي­شىلىقتارعا تاپ بولۋدا. جالىن­داپ جانىپ جاتقان تاياۋ شى­عىس, اۋعانستان, ميانما مەن يەمەن ەلدەرى – مۇسىلمان ۇمبەتى دەنە­سىندەگى قايعى-قاسىرەتكە اينالدى. ءبىزدى تاياۋ شىعىستىڭ جەكەلەگەن ەلدەرىندە بەلگىلى ءبىر كۇشتەرمەن جانە ءبىر-بىرىمەن قاقتىعىسقا ءتۇسىپ وتىرعان كۇرەسۋشى تاراپتارمەن ءدىندى ءوز ماقساتتارىنا جەتۋ قۇرالى رەتىندە پايدالانۋ ورىن الىپ وتىرعانى الاڭداتپاۋى مۇمكىن ەمەس. ءبىز وسى رەتتە ەكسترەميزم مەن تەرروريزمنىڭ ەشبىر دىنگە نەمەسە ەتنوسقا قاتىسى جوق ەكەندىگىن ۇمىتپاۋىمىز كەرەك. دەگەنمەن, ءدىن اتىن جامى­لىپ, اۋىر قىلمىستار جاسايتىن لاڭكەستەر بۇكىل الەمگە يسلام ءدىنىن جاھاندىق قاۋىپ-قاتەر­دى تۋىنداتاتىن كوز رەتىندە كورسە­تۋگە ۇمتىلىپ وتىر. اياتتار مەن حاديس­تەردىڭ ماتىندەرىن ادەيى بۇرمالاپ, بەيكۇنا ادامداردىڭ قانىن توگىپ جۇرگەن راديكالداردىڭ يسلامعا مۇلدەم قاتىسى جوق. يسلام ءدىنى بەيبىتشىلىكتى, امان­دىق پەن تاتۋلىقتى بىلدىرەدى. قۇ­ر­ان كارىمنىڭ «ءانبيا» سۇرەسىنىڭ 107-اياتىندا, اللا تاعالا ءوزىنىڭ سوڭ­عى ەلشىسى جايىندا بىلاي دەگەن: «ءبىز سەنى بۇكىل الەمگە راحمەت ەتىپ قانا جىبەردىك». ەگەر دە ادامنىڭ ءومىرى ادام­گەرشىلىككە, كورگەندىلىك پەن ادەپتىلىككە نەگىزدەلمەسە, وندا مۇنداي قوعامدا قايعى مەن مۇڭ ورنىعادى. قاتىگەزدىك, كەكشىل­دىك پەن وشپەندىلىك ەشۋاقىتتا جاقسىلىققا اكەلمەيدى. دەمەك, ءبىز جاراتۋشىنىڭ شەكسىز سىيى بولىپ تابىلاتىن بەيبىتشىلىك­تى ساقتاي جانە باعالاي ءبىلۋى­مىز قاجەت, ويتكەنى, ول – ءبىزدىڭ اماندىعىمىز بەن باعا جەتپەس بايلىعىمىز. وسى رەتتە قازىرگى كۇندە يگى ءداس­تۇرگە اينالعان قازاقستان رەسپۋب­ليكاسى پرەزيدەنتىنىڭ باستاماسىمەن قۇرىلعان الەمدىك جانە ءداستۇرلى دىندەر كوشباسشىلارى­نىڭ سەزى بارلىق ءدىن وكىلدەرى مەن الەمدىك قوعامداستىقتىڭ بەيبىت قاتار ءومىر ءسۇرۋدى ساقتاۋ جانە نىعايتۋ جاۋاپكەرشىلىگىن سەزىنۋگە سەپ­تىگىن تيگىزەرى انىق. الەمدىك جانە ءداستۇرلى دىندەردىڭ وكىلدەرى جينالاتىن سەزد الاڭىندا يسلام تۋرالى ءسوز الاتىن مۇسىلمان عالىمدارى ادامدار, قوعامدار مەن مەملەكەتتەر اراسىنداعى ءوزارا تۇسىنۋشىلىك پەن كەلىسىمنىڭ نىعايا تۇسۋىنە سەپتىگىن تيگىزەرىنە سەنىمدىمىن. حالىق دانالىعى «بىرلىك – ىن­تىماق كەپىلى» دەيدى. مەن سون­دىقتان دا بارشالارىڭىزدى ىزگى جانە جاۋاپكەرشىلىگى مول ارە­كەت­تەر جاساۋعا شاقىرامىن. جا­راتقان اللا تاعالا يگى ىستەرى­مىز­دى قابىل الىپ, ەكى الەمدە دە ءوزىنىڭ جارىلقاۋىن بەرسىن! ءاۋمين! ەرجان مايامەروۆ, قمدب توراعاسى, باس ءمۇفتي