استانا. 30 مامىر. قورعانىس مينيسترلىگىنىڭ دەلەگاتسياسى بريۋسسەل قالاسىنداعى ناتو-نىڭ شتاب-پاتەرىندە سەرىكتەستىك جانە ۇجىمدىق قاۋىپسىزدىك جونىندەگى كوميتەتتىڭ وتىرىسىنا قاتىستى. بۇل تۋرالى egemen.kz ءتىلشىسى حابارلادى.
بەلگيانىڭ استاناسىنا قازاقستاندىق دەلەگاتسيانى قورعانىس ءمينيسترىنىڭ ورىنباسارى گەنەرال-مايور تالعات مۇحتاروۆ باستاعان باردى.
ناتو-نىڭ شتاب-پاتەرىندە 28 ەلدىڭ دەلەگاتسياسى «جوسپارلاۋ جانە تالداۋ ۇدەرىسى» ء(ججتۇ) باعدارلاماسىن تالقىلادى. وندا قازاقستاندىق اسكەريلەر سولتۇستىك اليانسپەن اراداعى قارىم-قاتىناسقا زور ءمان بەرەتىنىن, ەكىجاقتى ىنتىماقتاستىقتىڭ ماڭىزدىلىعىن اتاپ ءوتتى. كەزدەسۋدە ناتو-عا مۇشە ەلدەردىڭ وكىلدەرى ەلىمىزدىڭ قارۋلى كۇشتەرىنىڭ بىتىمگەرشىلىك بولىمشەلەرىنىڭ دايارلىعىنا جوعارى باعا بەرىپ, 2003 جىلدان بەرى سولتۇستىك اليانس مەملەكەتتەرى بولىمشەلەرىنىڭ قاتىسۋىمەن وتكىزىلەتىن «بەيبىتشىلىك ءۇشىن سەرىكتەستىك» پەن «دالا قىرانى» بىتىمگەرشىلىك وقۋ-جاتتىعۋىن قولداپ وتىراتىندارىن ايتتى.
ساپار بارىسىندا گەنەرال-مايور مۇحتاروۆ ناتو-نىڭ باس حاتشىسى الەكساندر ۆەرشبوۋمەن كەزدەستى. كەزدەسۋدە ەكىجاقتى ىنتىماقتاستىق, وڭىرلىك قاۋىپسىزدىك ماسەلەلەرى تالقىلاندى.
داستان كەنجالين.
دەرەك, فوتو: قورعانىس مينيسترلىگى.
