يراكتا «رەال» كلۋبىنىڭ جانكۇيەرلەرى قازا تاپتى

استانا. 30 مامىر. يراكتىڭ بااكۋبا قالاسىندا سودىرلار فۋتبولدان چەمپيوندار ليگاسىنىڭ فينالىن تاماشالاپ جاتقان «رەال» كلۋبىنىڭ جانكۇيەرلەرىن اتىپ تاستادى. بۇل تۋرالى egemen.kz ءتىلشىسى حابارلادى. سودىرلار فۋتبول جانكۇيەرلەرى تەلەديداردان «رەال» مەن «اتلەتيكو» كلۋبتارىنىڭ اراسىنداعى ماتچتى قاراپ جاتقاندا عيماراتقا باسا كوكتەپ كىرىپ, 12 ادامدى اتىپ تاستاپ, 8 ادامدى جاراقاتتادى. سونىڭ كەسىرىنەن 18 بەن 30 جاس ارالىعىنداعى جاستار قازا تاپتى. قازىر ءتارتىپ ساقشىلارى جانكۇيەرلەرگە وق جاۋدىرعان سودىرلاردى ىزدەستىرىپ جاتىر. ازىرشە ناتيجە جوق. سودىرلار وقيعا ورنىنان ءىزىن سۋىپتاي, قاشىپ كەتكەن. وسى قىلمىسقا قازاقستاندا تىيىم سالىنعان دايش تەرروريستىك ۇيىمىنىڭ  قاتىسى بولۋى مۇمكىن دەلىنۋدە. ويتكەنى, اتالعان ۇيىمنىڭ جاۋىزدارى بۇعان دەيىن بالال قالاسىندا «رەال» كلۋبىنىڭ جانكۇيەرلەرىنە وق اتقان بولاتىن. 13 مامىردا سودىرلاردىڭ قولىنان 16 ادام قازا تاپقان. سونىڭ 12-ءسى يسپانيا كومانداسىنىڭ جانكۇيەرلەرى بولعان. داستان كەنجالين. دەرەك, فوتو: eurosport.ru