بايگە

قحر-داعى شىڭجاڭ ولكەسىنىڭ ىلە ايماعىندا ايتۋلى ات جارىسى ءوتتى قارا جەردىڭ اپشىسىن قۋىرعان الامان بايگە شىڭ­جاڭنىڭ ىلە ايماعىنا قا­راستى كۇنەس اۋدانىندا ءوتتى. ناقتىراق ايتقاندا, ات جارىس اتالعان اۋداننىڭ تالدى قالاشىعىنداعى ءيىنجار يپپودرومىندا ۇيىمداستىرىلدى. الامانعا اۋىزدىعىمەن الىس­قان 42 سايگ ۇلىك قاتى­سىپ, 10 شاقىرىمدى شاۋىپ ءوتتى. مۇنان سوڭ 3 جانە 5 شا­قى­رىم قاشىقتىقتاعى تاي مەن قۇنان, 3,5 شاقىرىمدىق جور­عا جارىسى دۇلدۇلدەردى انىقتادى. وسى كۇنى ات بايگەسىنەن بولەك, تالدى قالاشىعىندا سپورت­تىق شارالار ۇيىم­­داستىرىلدى. بوز كىلەمدە 60 جانە 80 كيلو سال­ماقتاعى بالۋاندار بەلدەستى. ەڭ قى­زى­عى – بويىندا كۇش-قۋاتى تا­سى­عان قاقپاق جاۋىرىندى ازا­­ماتتار بۇقا تارتىسىنا قاتىستى. سونىمەن قاتار, 10 جۇپ­تان قۇرال­عان قىز بەن ءجى­گىت «قىز قۋ» ويىنىن كور­­­سەتتى. وسىلايشا, شىڭجاڭ ايما­عىنداعى قانداستارىمىز اتا-بابامىزدان كەلە جاتقان سالت-ءداستۇردى دارىپتەپ, ۇلتتىق ويىن­دارىمىزدى جاڭعىرتتى. ونداعى ازاماتتاردىڭ ايتۋىنشا, وسىنداي سپورتتىق شارالار جىل سايىن مامىر ايىندا ۇيىمداستىرىلىپ تۇرادى ەكەن. تالعات رايىمبەك, «ەگەمەن قازاقستان»