ىلگەرىلەۋ قامتاماسىز ەتىلىپ, رەفورمالار جالعاستىرىلادى

ەلباسى نۇرسۇلتان نازارباەۆ حالىقارالىق كونسۋلتاتيۆتىك كەڭەس مۇشەلەرىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋگە كەڭەس توراعاسى, اۆستريا­نىڭ بۇرىنعى فەدەرالدىق كانتسلەرى ا.گۋزەنباۋەر, پولشانىڭ بۇرىنعى پرەزيدەنتى ا.كۆاسنەۆسكي, ەۋروپالىق كوميسسيانىڭ بۇرىنعى توراعاسى, يتا­ليا­نىڭ بۇرىنعى پرەمەر-ءمينيسترى ر.پرودي, ءيزرايلدىڭ بۇرىنعى پرەمەر-ءمينيسترى ە.باراك قاتىستى. كەزدەسۋگە قاتىسۋشىلار قازاقستان ەكونوميكاسىنىڭ نەگىزگى دامۋ باعىتىن, مەملەكەتتىك باعدارلامالاردىڭ جۇزەگە اسىرىلۋ بارىسىن, سونداي-اق, ەۋرووداق ەلدەرىمەن ىنتىماقتاستىقتى نىعايتۋ ءۇشىن قابىلدانىپ جاتقان شارالاردى, دۇنيەجۇزىلىك ساۋدا ۇيىمىنا مۇشەلىكتىڭ ارتىقشىلىقتارىن پايدالانۋ ماسەلەلەرىن تالقىلادى. قازاقستان پرەزيدەنتى الەمدىك ەكونو­مي­­كا­داعى قۇبىلمالىلىققا, ونىڭ ءبىزدىڭ ەلگە دە اسەر ەتىپ وتىرعانىنا نازار اۋداردى. – جاھاندىق ەكونوميكا ءوسىمى بولجانعان كورسەتكىشتەردەن تومەن بولىپ شىقتى. بۇعان قوسا, الەم قانداي باعىتتا جىلجىپ بارا جاتقانى, ونى قىسقا جانە ۇزاق مەرزىمدى كەزەڭدە نە كۇتىپ تۇرعانى تۋرالى كوڭىلگە قونىم­دى ساراپشىلىق پىكىر جوق. قازىر ەۋروپادا, رەسەي مەن قىتايدا كۇردەلى ۇدەرىس­تەر ءجۇرىپ جاتىر. وسىنىڭ ءبارى بولا­شاق جاھاندىق دامۋ تۇرعىسىنان كوپ وي-پىكىر  تۋدىرادى. سونىمەن قاتار, ءبىزدىڭ ەل اتالعان قيىندىقتارعا قاراماستان, بۇدان ءارى ىلگەرىلەۋدى قامتاماسىز ەتە وتىرىپ, ءوز رەفورمالارىن جۇزەگە اسىرۋىن جالعاستىرۋدا, – دەدى مەملەكەت باسشىسى. كەڭەس مۇشەلەرى كەزدەسۋ ءۇشىن العىس ايتىپ, جاھاندىق كۇن تارتىبىندە تۇر­عان وزەكتى ساياسي جانە ەكونوميكالىق ماسە­لە­لەرگە قاتىستى پىكىرلەرىن ورتاعا سالدى. اتاپ ايتقاندا, اۆستريانىڭ بۇرىنعى فەدەرالدىق كانتسلەرى ا.گۋزەنباۋەر قازاقستان جۇزەگە اسىرىپ جاتقان رەفورمالار جاڭا جاھاندىق سىن-قاتەرلەرگە ۋاقتىلى بەرىلگەن جاۋاپ ەكەنىن جانە ولار ءبىزدىڭ رەسپۋبليكامىزعا مەيلىنشە دامىعان ەلدەر كلۋبىنان ورىن الۋعا مۇمكىندىك بەرەتىنىن اتاپ ءوتتى. ءيزرايلدىڭ بۇرىنعى پرەمەر-ءمينيسترى ە.باراك وتاندىق اگروونەركاسىپ كەشەنىن دامىتۋ ماسەلەلەرىنە توقتالدى. ول قازاقستاننىڭ الەمدىك ازىق-ت ۇلىك نارىعىندا باسەكەگە قابىلەتتى ورىندى يەلەنۋى ءۇشىن قاجەتتى بارلىق رەسۋرسقا يە ەكەنىن مالىمدەدى. پولشانىڭ بۇرىنعى پرەزيدەنتى ا.كۆاسنەۆسكي الەۋمەتتىك ماسەلەلەردى شەشۋگە, ادام كاپيتالىن جەتىلدىرۋگە, شاعىن جانە ورتا كاسىپورىنداردى قولداۋعا باعىتتالعان رەفورمالاردىڭ ارقاسىندا ەلدىڭ جۇيەلى دامىپ كەلە جاتقانىن اتاپ ءوتتى. ەۋروپالىق كوميس­سيانىڭ بۇرىنعى توراعاسى ءارى يتا­ليا­نىڭ بۇرىنعى پرەمەر-ءمينيسترى ر.پرودي ەۋرازيالىق ەكونوميكالىق وداق پەن ەۋروپالىق وداقتىڭ اراسىنداعى قارىم-قاتىناستىڭ دامۋ الەۋەتى زور ەكەنىنە, ول بارلىق تاراپقا, سونىڭ ىشىندە قازاقستانعا پايدا اكەلە الاتىنىنا نازار اۋداردى.