باراك وباما اقش زاڭىنان «نەگر» دەگەن ءسوزدى الىپ تاستادى

استانا. 22 مامىر. اقش پرەزيدەنتى باراك وباما فەدەرالدى زاڭنامادان «نەگر» (negro) جانە «شىعىس تۋماسى» (oriental) ۇعىمداردى بىلدىرەتىن سوزدەر الىنىپ تاستالعان زاڭ جوباسىنا قول قويدى. بۇل تۋرالى ABC News دەرەگىنە سىلتەمە جاساعان egemen.kz ءتىلشىسى حابارلادى. زاڭ جوباسىن نيۋ-يورك شتاتىنان سايلانعان كونگرەسسمەن-دەپۋتات گرەيس مەنگ حانىم ۇسىنعان. قۇجاتتىڭ ماقساتى «ازشىلىقتى بىلدىرەتىن تەرمينولوگيانى جاڭعىرتۋ» بولىپ تابىلادى. ول 1970-ءشى جىلداردىڭ سوڭىندا قوعامدىق دەنساۋلىق ساقتاۋ سالاسىنداعى زاڭداردا كەزدەسەتىن ۇعىمداردى الماستىرۋدى, ولاردى ساياسي جاعىنان بىلىكتى ەتىپ جاساۋدى كوزدەيدى. «قازىر «شىعىس تۋماسى» دەگەن تەرمين فەدەرالدى زاڭنامادا جوق, اقىر سوڭىندا بۇل ادامدى قورلايتىن جانە ابدەن ىسكىرگەن ۇعىم, سوندىقتان ودان باس تارتۋعا ءتيىسپىز», - دەپ ءتۇسىندىردى ءوزىنىڭ ويىن كونگرەسسمەن. مەنگ بۇعان ءوزىن جاقسى تۇسىنگەنى ءۇشىن پرەزيدەنتكە رازى ەكەنىن ايتىپ, وعان العىس سەزىمىن ءبىلدىردى. گرەيس مەنگ – نيۋ-يورك شتاتى اتىنان اقش كونگرەسسىنە دەپۋتات بولعان تەگى ازيالىق ءبىرىنشى ايەل. تالعات رايىمبەك. دەرەك, فوتو: ABC News.